رژیمى تاران له دروست کردنى چه‌کى ناوکه‌یی نزیک بۆته‌وه
نوێنه‌رى ئه‌مریکا له ناوه‌ندى نێوده‌وڵه‌تى ووزه‌ى ناوکه‌یی له ویه‌ن رایگه‌یاند، رژیمى تاران ته‌نیا چه‌ند هه‌نگاوى ماوه بۆ دابین کردنى رێژه‌ى پێویستى ئورانیۆمى پالاوته‌کراو
بۆ دروست کردنى بۆمبى ناوکه‌یی، و ئه‌وه بۆته هۆى نیگه‌رانى جیددى.
گرگورى شولته زیادى کرد ر٠اپۆرتى ئه‌م دواییه‌ى ناوه‌ندى نێوده‌وڵه‌تى ووزه‌ى ناوکه‌یی، ده‌رى ده‌خا که هه‌ڵسوور٠انى ناوکه‌یی رژیمى ئێران پێشیلکارى چه‌ندین بر٠یارنامه‌ى ناوه‌ند و ئه‌نجومه‌نى ئاسایشى نه‌ته‌وه یه‌کگرتووه‌کانه.
هاوکات کاناڵى ئه‌لعه‌ره‌بیه بلاوى کرده‌وه که رژیمى تاران له ساڵى داهاتوودا ده‌ستى به چه‌کى ناوکه‌یی ده‌گا.
ئه‌اعه‌ره‌بیه گووتى: به‌رپرسێکى پله‌به‌رزى ناوه‌ندى نێوده‌وڵه‌تى ووزه‌ى ناوکه‌یی ووریایی دا که رژیمى ئێران ئه‌گه‌ر به‌رده‌وام بێ له سه‌ر گه‌لاڵه‌ى ناوکه‌یی به ده‌رسه‌دى ئێستاى پیتاندنى ئورانیۆم، ده‌توانێ له ساڵى داهاتوودا بۆمبى ناوکه‌یی دروست بکا.
ئه‌و دیپلۆماته‌ى ناوه‌ند که نه‌یویست ناوى ئاشکرا بکرێ گووتى: هیچ پێشکه‌وتنێک له هاوکارى رژیمى ئێران له‌گه‌ڵ ناوه‌ندى ووزه‌ى ناوکه‌یی نابینرێ.
ئه‌لعه‌ره‌بیه گووتى: هه‌ڵسوور٠انى ناوکه‌یی رژیمى ئێران بووه‌ته هۆى نیگه‌رانى وه‌لاتانى ناوچه‌که.
