وه‌لاتانى عه‌ره‌بی ده‌بێ سنوور بۆ رژیمى تاران دیارى که‌ن
رۆژى دووشه‌ممه ٤ى سه‌رماوه‌زى ١٣٨٧ـ ٢٤ى نوامبرى ٢٠ ٠ ٨، وه‌زیرى ده‌ره‌وه‌ى بریتانیا داواى له وه‌لاتانى عه‌ره‌بى که‌نداوى فارس کرد به هۆى گه‌لاڵه‌ى ناوکه‌یی،
له رێگه‌ى سنووردانان بۆ به‌شى ئابوورى و تیجاره‌تى فشار بخه‌نه سه‌ر رژیمى ئێران.
دیوید میلیبه‌ند له کونفرانسێک له باره‌ى ووزه‌ى ناوکه‌یی له که‌نداوى فارس که له ناوه‌ندى لێکۆڵینه‌وه‌ى ئامانجه‌کانى ئیمارات به‌رێوه ده‌چێ، ئیشاره‌ى به حه‌زى بریتانیا کرد بۆ هاوکارى کردنى وه‌لاتانى که‌نداوى فارس سه‌باره‌ت به گه‌لاڵه‌ى ناوکه‌یی رژیمى ئێران.
ناوبراو گووتى: ئه‌گه‌ر رژیمى ئێران پێ ملى قانوونه‌کان نه‌بێ، ئێوه ده‌توانن پێشنیارى ئابوورى باش بخه‌نه پێش ئه‌و رژیمه.
میلیبه‌ند گووتى: به پێچه‌وانه‌وه ده‌توانن ده‌ست بده‌نه سنووردار کردنى، وه‌ک سنووردانان له بارى ئابوورى و تیجارى و هه‌روه‌ها به‌رنگار بوونه‌وه‌ى قاچاخ یا زیاد کردنى چاودێریه‌کان له سه‌ر هه‌نارده‌ى ئه‌و که‌ل و په‌لانه‌ى که ئه‌گه‌رى به‌کار هێنانیان هه‌یه له گه‌لاڵه‌ى ناوکه‌یی دا.
