رژیمى ئێران له هه‌وڵى تاقى کردنه‌وه‌ى مووشه‌کێکى هه‌وا به هه‌وایه
فه‌رمانده‌ى هێزى هه‌وایی رژیمى ئێران له درووست کردنى مووشه‌کێکى هه‌وا به هه‌واى پێشکه‌وتووى گه‌رمایی هه‌واڵى دا و رایگه‌یاند:
که ئێستا یه‌کێک له‌و مووشه‌کانه‌ى له هێزى هه‌وایی ئه‌رته‌ش دا دروست کراوه، ئه‌ندازه‌ى گه‌رمى خۆى تاقى ده‌کاته‌وه.
ناوبراو زیادى کرد، ئه‌و مووشه‌که گرماییه‌ى هه‌وا به هه‌وا له رێگه‌ى یه‌کێک له فرۆکه‌کانى هێزى هه‌وایی ئه‌رته‌شه‌وه هاوێژراوه؟، ده‌که‌وێته دواى ئه‌و ئامانجه‌ى که بۆى دیارى ده‌کرێ و ده‌ی ته‌قێنێته‌وه.
به ووته‌ى پاسدار شاه سه‌فى، ئه‌و مووشه‌که له مانۆرى باکوورى رۆژئاواى هێزى هه‌وایی ئه‌رته‌ش که ماوه‌یێک پێشبه‌رێوه چوو به شێوه‌یێکى دیکه تاقى کرایه‌وه.
فه‌رمانده‌ى هێزى هه‌وایی ئه‌رته‌ش گووتى: بوردى ئه‌و مووشه‌که له ئێستادا زیاتر له ٤٠ کلیۆمیتره به‌لام به‌رنامه‌ى بردنه سه‌رى بوورده‌که‌ى بۆ زیاتر له ١٠ ٠ کیلۆمیتر له به‌رده‌ست دایه، هه‌روه‌ها زیادى کرد، له دواى سه‌رکه‌وتن له دروست کردنى ئه‌و مووشه‌که، بۆ دروست کردنى به کۆمه‌ڵ ده‌ینێرین بۆ وه‌زاره‌تى دیفاع.
