تۆمه‌تى هاواهه‌نگى له‌گه‌ڵ ئیسرائیل به وه‌زیرى پێشووى ئیتلاعاتى رژیم
رۆژنامه‌ى ئیعتیمادى میللى هه‌واڵى دا که یه‌کێک له نزیکانى پاسدار مه‌حمود ئه‌حمه‌دى نژاد،
وه‌زیرى پێشووى ئیتلاعاتى رژیمى ئێرانى به‌وه تاوانبار کرد که به قسه‌کانى قازانج به ئیسرائیل ده‌گه‌یێنێ.
به پێى نووسراوه‌ى ئه‌و رۆژنامه پاسدار محه‌ممه‌د عه‌لى رامین به ئیشاره به قسه‌کانى عه‌لى یونسى له پێوه‌ند به \" قازانجى ئیسرائیل له باس کردنى هۆلۆکاست\" گووتوویه‌تى، که ئه‌و قسانه‌ى وه‌زیرى پێشووى ئیتلاعات، سووک، بێ ئه‌قلانه، دوور له راستى و ناشاره‌زا بوونه له سیاسه‌ت.
ئه‌و رۆژنامه هه‌روه‌ها نووسیویه‌تى: که محه‌ممه‌د عه‌لى رامین گووتوویه‌تى، که ئایا وه‌زیرى پێشووى ئیتلاعات ئه‌و قسانه ده‌یهه‌وێ زه‌ربه له ئیسرائیل بدا یا مه‌به‌ستى دیکه‌ى هه‌یه.
