چۆڵکردنى ناوچه‌کانى ده‌ورووبه‌رى به‌نداوى بیجار
له دواى بارینه‌کانى ئه‌م دواییه ئه‌گه‌رى شکانى به‌نداوى بیجار له شارى \"رودبار\"، به‌رپرسانى ئوستانى گیلان داوایان له‌و دێهاتانه‌ى که که‌وتوونه خوارووى ئه‌و به‌نداوه کردوه
که ماڵه‌کانیان به جێ بێڵن و تا ئێستا ٥٠ ٠ ٠ هه‌زار که‌س ئه‌و ناوچانه‌یان چۆڵ کردوه.
به‌رپرسانى ناوچه‌که ده‌ڵێن بارینى توند که له شه‌وی دووشه‌ممه ١١ى سه‌رماوه‌زه‌وه ده‌ستى پێ کردوه و بۆته به هۆى زیادبونى ئاوى ئه‌و به‌نداوه. به پێى ئه‌و هه‌والانه رێژه‌ى ئه‌و ئاوه‌ى ده‌رژێته به‌نداوه‌که‌وه له چرکه‌یێکدا ٣٤٠ میترى چوارگۆشه‌یه و رێژه‌ى ده‌رچوونى ئاو له به‌نداوه‌که‌دا له چرکه‌یێکدا ١٦٠ میترى چوارگۆشه‌یه.
به پێى ووته‌ى ئوستاندارى گیلان به هۆى ئاڵووگۆر٠ى ئاو وهه‌وا ئاوى ناو به‌نداوه‌که زیاتر به‌رده‌راوه‌ته‌وه و ئه‌گه‌رى شکانى به‌نداوه‌که که‌م بۆته‌وه.
له هه‌مانکاتدا، له‌دواى زیادبوونى ئه‌گه‌رى شکانى به‌نداوى بیجار، ئه‌فشین عه‌زیزى به‌رپرسى ناوه‌ندى رووداوه سروشتیه‌کان له گیلان، گووتبووى: تا ئێستا ٩٥ له سه‌دى دانیشتوانى پێش به‌نداوى بیجار ماڵه‌کانیان چۆڵ کردوه. به ووته‌ى ناوبراو نزیک به ٥ هه‌زار که‌س له دانیشتوانى دێ چۆڵکراوه‌کان له ناوچه‌ى ئیمامزاده هاشم و ئوردووگاى مانگى سوورى ئوستانى گیلان جێگیر کراون.
