٥٤ که‌س له ئه‌ندامانى خانه‌واده‌کانى دانیشتووانى ئه‌شره‌ف له‌لایه‌ن رژیمى ئێرانه‌وه به دیل گیراون
شۆراى میللى مقاومه‌تى ئێران، ناو و نیشانى ٥٤ که‌س له ئه‌ندامانى خانه‌واده‌کانى دانیشتوانى شارى ئه‌شره‌ف، بنکه‌ى ئه‌ندامانى رێکخراوى موجاهیدینى خه‌ڵکى ئێران له عێراق، که له ئێران گیراون،
پێشکه‌ش به رێکخراوه نێونه‌ته‌وه‌ییه‌کان کرد و دواى کرد ئه‌و کرده‌وه سه‌رکوتگه‌رانه‌ى رژیمى ئێران مه‌حکوم که‌ن که دژ به خانه‌واده‌ى ئه‌ندامانى سازمانى موجاهیدین و به‌تایبه‌ت دانیشتوانى ئه‌شره‌ف ئه‌نجامى ده‌ده‌ن.
ده‌بیرخانه‌ى شۆراى میللى مقاومه‌ت له ر٠اگه‌یێندراوێکدا له‌و باره‌وه رایگه‌یاند: ئه‌و که‌سانه زۆربه‌یان له دواى چاوپێکه‌وتن له‌گه‌ڵ که‌س و کاریان له ئه‌شه‌ره‌ف و گه‌رانه‌وه بۆ ئێران گیراون.
هێندێ له‌و که‌سانه به زیندان مه‌حکوم کراون، هێندێ به هۆى فشارى زۆر و هه‌ل و مه‌رجى خراپى زیندان سه‌کته‌یان کردوه و زۆر نه‌خۆشن و هێندێکیان چاره‌نووسیان نادیاره و ژماره‌یێکى دیکه‌یان به دانى زه‌مانه‌تى قوورس و سنووردانان بۆیان و له‌لایه‌ن ئیدارى ئیتلاعاتى رژیمى له ژێرچاودێری دان.
جیا له گیراوه‌کان ژماره‌یێکى دیکه به هۆى پێوه‌ندى گرتن به منداڵه‌کانیانه‌وه له‌لایه‌ن هێزه سه‌رکوتگه‌ره‌کانى رژیمه‌وه بانگکراون و هه‌ر٠ه‌شه‌یان لێکراوه و به به‌رده‌وامى ئازار ده‌درێن.
له نێو گیراوه‌کاندا که ناوه‌کانیان بۆ سکرتێرى کۆمیساریاى به‌رزى مافى مرۆڤ، کۆمیسێرى به‌رزى مافى په‌نابه‌ران و ر٠اپۆرتده‌رانى گیرانه و ر٠اپۆرتده‌رى شکه‌نجه و کۆمیته‌ى نێونه‌ته‌وه‌یی مانگى سوور و لێبوردنى نێونه‌ته‌وه‌یی نیردراوه دایکان و باوکانى به سالاچوو و نه‌خۆش هه‌ن که له دواى تێپه‌ر٠اندنى رێگه‌ى دوور و ناخۆش خۆیان گه‌یاندۆته ئه‌شره‌ف و و هێندێ له‌وانه مێرمنداڵى که‌متر له ١٨ ساڵن.
