بریندار بوونى دوو که‌س له رووداوى ته‌قه‌ى چه‌ند چه‌ته له سه‌قز
خه‌باتمێدیا: به پێى هه‌واڵى گه‌یشتوو له شارى سه‌قزه‌وه له رووداوى چه‌ته‌یێکدا له مه‌یدانى کرێکارى شارى سه‌قز و ته‌قه‌ى چه‌ته‌کان به‌ره‌و رووى خه‌ڵک ٢ که‌س بریندار ده‌بن.
به پێى هه‌واڵ ٦ که‌سى نقابدارى چه‌کدار دوانیوه‌رۆى رۆژى سێ شه‌ممه ١٢ى سه‌رماوه‌ز چوونه سه‌ر دوو دووکانى زێر فرۆشى له مه‌یدانى کرێکارى ئه‌و شاره و نزیک به ٢٠ کیلۆ زێر٠یان له‌گه‌ڵ خۆیان برد و له کاتى هه‌لاتن و دوور که‌وتنه‌وه له شوێنه‌که ته‌قه‌یان له خه‌ڵک کرد که به‌و هۆیه‌وه دوو که‌س به ناوه‌کانى "مه‌نسوور ره‌حیم زاده" و "کامیل مولوودپوور" بریندار بوون.
