رێ و ره‌سمى جێژنى قوربان زۆر به گه‌رمى و رێزه‌وه له بنکه‌ى سه‌رکردایه‌تى سازمان به‌رێوه‌چوو
به‌یانى رۆژى دووشه‌ممه ١٨ى سه‌رماوه‌زى ١٣٨٧ـ ٨ى دیسامبرى ٢٠ ٠ ٨، به‌رێز مامۆستا سه‌ید جه‌لال الدین حسینى به به‌شدارى کادرى رێبه‌رایه‌تى سازمان و پێشمه‌رگه‌کان له بنکه‌ى سه‌رکردایه‌تى،
نوێژى جێژن و ووتارى ئه‌و رۆژه پیرۆزه‌ى خوێنده‌وه و له پێوه‌ند به جێژنى قوربانى پیرۆز و فه‌لسه‌فه‌ى ئه‌و رۆژه، بۆ ئاماده‌بووان دووا و داواى له خواى گه‌وره کرد، به‌بۆنه‌ى ئه‌م رۆژه گه‌وره و ئه‌و یاده مه‌زنه که یادى قوربانى کردنى ئیسماعیلى خه‌لیل، له‌لایه‌ن حه‌زره‌تى ئیبراهیمه‌وه‌یه، یارمه‌تى گه‌لانى سته‌م لێکراوى ئێران بدا له خه‌بات و تێکۆشانیان بۆ گه‌یشتن به ئازادى و رووخانى رژیمى ملهور٠ى ئاخوندى.
هه‌روه‌ها له چه‌ند رۆژى جێژندا، به‌رێز کاک بابه‌شێخى حسه‌ینى سکرتێرى گشتى سازمان و ئه‌ندامانى رێبه‌رایه‌تى، پێشوازیان له میوانه به‌رێزه‌کان کرد، که به‌بۆنه‌ى جێژنه‌وه سه‌ردانى بنکه‌ى سه‌رکردایه‌تى سازمانیان کردبوو.
هه‌ربه‌بۆنه‌ى جێژنى قوربانه‌وه سکرتێرى گشتى سازمان پێوه‌ندى ته‌له‌فوونى له‌گه‌ڵ ژماره‌یێک له دۆستان و ئه‌ندامانى سازمان له ناوخۆى کوردستانى ئێران و کوردستانى عێراق و له وه‌لاتانى ئوروپایی پێ گه‌یشت و به‌رێزیان سه‌رکه‌وتنى دۆستان و ئه‌ندامانى سازمانى خه‌بات له پێناو خزمه‌ت به گه‌لى کورد و سازمانى خه‌باتى به ئاوات خواست.
