له بیره‌وه‌رى شه‌سته‌مین ساڵى په‌سه‌ند کردنى جارنامه‌ى گه‌ردوونى مافى مرۆڤ
س٠یامه ند
رۆژى چوار شه‌ممه ٢ى سه‌رماوه‌زى ١٣٨٧ـ ١٠ ى دیسامبرى ٢٠ ٠ ٨ شه‌سته‌مین ساڵر٠ۆژى په‌سه‌ند کرانى جارنامه‌ى مافى مرۆڤه که رێکخراوی نه‌ته‌وه یه‌کگرتووه‌کان،
گه‌لاڵه‌یێکى ٣٠ ماده‌یی خسته به‌رده‌م نوێنه‌رانى ئه‌ندام که له کۆى ٥٦ نوێنه‌رى وه‌لاتان، ٤٨ نوێنه‌ر ده‌نگیان پێ داو ئه‌و گه‌لاڵه له سه‌ر ئازادى به‌رانبه‌ر و مافى سیاسى و کۆمه‌لایه‌تى و ئابوورى و فه‌رهه‌نگى و به گشتى دابین کردنى مافه‌کانى مرۆڤ دار٠ێژراو په‌سه‌ند کرا.
ئه‌وه ئاشکرایه کار پێ کردن و پێ به‌ند بوون به جارنامه‌ى مافى مرۆڤ به ته‌واوى و بێ که‌م و کوور٠ى له هیچ کوێى جیهاندا په‌یر٠ه‌و نه‌کراوه، به‌لام ئاشکرایه له به‌شێک له وه‌لاتانى خۆرئاوا، مافه‌کانى مرۆڤ و به‌شێکى به‌رچاو له خاڵه‌کانى جێ به جێ کراوه. که دیاره له چاو وه‌لاتانى خۆرهه‌لاتى ناوه‌راست، جیاوازى زۆر له‌و پێوه‌نده‌دا به‌دى ده‌کرێ.
جێگه‌ى داخه له خۆرهه‌لاتى ناوه‌راست نه‌ته‌نیا کار به به‌نده‌کانى جارنامه‌ى مافى مرۆڤ ناکرێ، به‌ڵکوو کار به‌و یاسا و ده‌ستوورانه‌ش که له خودى ئه‌و وه‌لاتانه گه‌لاڵه کراوه واته (قانوونى ئه‌ساسى)یه‌که‌یان کارى پێ ناکرێ و ده‌وڵه‌ت و ده‌سه‌لاته‌کان به بر٠یارى خۆیان، که دوورن له هه‌ر رێ و شوێن و ده‌ستوورێکى ئایینى و مرۆڤایه‌تى کار ده‌که‌ن. ده‌سه‌لاته‌کان له‌و ناوچه‌یه‌ى ئێمه تێیدا ده‌ژین به‌شى هه‌ره زۆریان له سه‌ر دار و په‌ردووى کۆن و به دوور له بر٠یار و پێوانه دیموکراسیه‌کان کار ده‌که‌ن که ته‌نانه‌ت به تێ په‌ر٠ینى زه‌مان و به هاتنه مه‌یدان شێوه‌ى جیاجیاى لێکدانه‌وه‌و په‌یدابوونى زانست و پیشه‌سازى و ئازادى سیاسى و ده‌سه‌لاتى دادپه‌روه‌رانه و ئازاد له زۆر وه‌لاتى جیهان، ئاڵوگۆر٠ێکى به‌رچاو به قازانجى کۆمه‌ڵگا به‌دى ناکرێ.
نمونه‌ى ده‌سه‌لاته ملهور٠ و خۆسه‌پێن و ده‌سته و ناوه‌ندى سه‌رکوتگه‌ر و ماف پێشێلکه‌ر له جیهاندا زۆرن، که ئیشاره کردن پێ یان و باس کردنیان زۆرى وه‌خت پێ ده‌وێ، به‌لام وه‌ک نمونه‌ى هه‌ره دیار و سه‌رقافڵه‌ى پێشێلکه‌رى مافه ئینسانیه‌کان و مافى نه‌ته‌وه و ئایین و مه‌زهه‌به‌کان، رژیمى ئاخوندى ئێرانه. رژیمى ئێران به سه‌رۆکایه‌تى ئاخونده مێشک ووشک و چاو چنۆکه‌کان ماوه‌ى سی ساڵه بێ به‌زه‌ییانه خه‌ڵکى ئێرانیان خستۆته به‌ر قورسترین و در٠ندانه‌ترین شێوه‌ى سه‌رکوت و چه‌وسانه‌وه، که‌م که‌س له ئێراندا هه‌یه، به جۆرێک هه‌ر٠ه‌شه‌ى ئاخوندانى له سه‌ر نه‌بێ، که‌م خانه‌واده هه‌یه، که‌سێک یان که‌سانێک له ئه‌ندامانى خێزان و خزمى به ده‌ستى ئاخونده‌کان له ناونه‌چووبێ و یان لانى که‌م زیندانى و شکه‌نجه‌ى ئاخوندانى نه‌دیبێ. تێکر٠اى میلله‌ته‌کانى پێکهێنه‌رى ئێران مافى نه‌ته‌وه‌یی و که‌له‌پووریان له‌لایه‌ن ده‌سه‌لاته‌وه پێ شێل ده‌کرێ، تێکر٠اى مه‌زهه‌ب و ئایینه‌کان رێگه‌ى به ئازاد به‌رێوه‌بردنى به‌رنامه‌کانیان لێ قه‌ده‌غه‌یه یان به‌ره‌ور٠ووى هه‌ر٠ه‌شه و ترساندنن.
یه‌کێک له به‌نده‌کانى جارنامه‌ى مافى مرۆڤ که له‌لایه‌ن رێکخراوى نه‌ته‌وه یه‌ک گرتووه‌کانه‌وه په‌سه‌ندکراوه، له پێوه‌ند به بارى ئابوورى بۆ مرۆڤه، له‌و چوارچێوه‌شدا، ئاخونده‌کان سته‌م و بێ عه‌داڵه‌تى له به‌رانبه‌ر خه‌ڵکى ئێراندا په‌یره‌و ده‌که‌ن و سه‌رمایه و داهاتیان به تالان ده‌به‌ن یان له کارى بێ که‌ڵک و غه‌یرى ئینسانى و بۆ دروست کردنى ناوه‌ندى ترۆریستى و ر٠ه‌شه کوژى به کار دێنن.
لێره‌دا ئه‌و پرسیاره دێته پێش که ئایا ده‌کرێ هیوادار بین به‌وه‌ى که رۆژێک و زه‌مانێک مافه‌کانى مرۆڤ و ئازادیه‌کان له وه‌لاتانى سته‌م لێدراودا بێنه جێ؟ یان لانى که‌مى مافى سه‌ره‌تایی بۆ دانیشتوان له به‌رچاو بگیرێ؟ بێ گوومان ئه‌وه پێوه‌ندى هه‌یه به ر٠اده‌ى به‌شدارى خه‌ڵک و هه‌وڵیان بۆ وه‌ده‌ست هێنانى مافه بنه‌ر٠ه‌تیه‌کانیان. ئه‌گه‌ر جه‌ماوه‌ر له به‌رانبه‌ر بێ عه‌داڵتیه‌کان بێ ده‌نگ نه‌بن و رێگه‌یان نه‌دا ده‌سه‌لاته ملهوور٠ه‌کان به که‌یفى خۆیان سیاسه‌ته در٠ندانه‌کانیان درێژه پێ بده‌ن، گوومان نیه ئازادى له کۆمه‌ڵگادا جێگیر ده‌بێ.
هه‌ر چه‌ند زۆر مه‌حاڵه ئه‌و به‌ندانه له جارنامه و گه‌لاڵه‌ى په‌سه‌ند کراوى رێکخراوى نه‌ته‌وه یه‌کگرتووه‌کان به ته‌واوى په‌یره‌و کرێ، به‌لام لانى که‌م ده‌کرێ، به‌شێک له‌و به‌ندانه و له‌و مافه ر٠ه‌وایانه‌ى که خودا و قانوونه ئاسمانیه‌کان و غه‌یره ئاسمانیه‌کان بۆ مرۆڤه‌کانى به ر٠ه‌وا داناوه جێ به جێ بکرێن.
به‌و هیوایه‌ى رۆژێک بێ ئازادى باڵ به سه‌ر تێکر٠اى گه‌لانى سته‌م لێ کراو بکێشێ مرۆڤه‌کانى که مافیان زه‌وت کراوه و ده‌کرێ، به مافه‌کانیان بگه‌ن و، رۆژێک بێ له ئێرانیشدا ئاسه‌وارێک له حاکمیه‌تى خۆ په‌ره‌ست و دواکه‌وتوو دیکتاتۆرى ئاخوندى نه‌مێنێ و گه‌لانى ئێران له سایه‌ى ئازادیدا، به ماف و ویسته‌کانیان بگه‌ن و کۆتاییش به ئازار و چه‌وسانه‌وه‌ى ئافره‌تان و مندالان و تاک تاکى ئینسانه‌کان بێ.
