میسر ده‌ڵێ: رژیمى ئێران له هه‌وڵى داگیرکردنى رۆژهه‌لاتى ناوه‌راسته
ئه‌حمه‌د ئه‌بوو غه‌یت وه‌زیرى ده‌ره‌وه‌ى میسر رۆژى یه‌کشه‌ممه ١٤ى دیسامبر ره‌خنه‌ى له رژیمى ئێران گرت و ئه‌و رژیمه‌ى به‌وه تاوانبار کرد که له هه‌وڵى داگیر کردنى رۆژهه‌لاتى ناوه‌راست دایه.
ناوبراو گووتى: ئێرانیه‌کان له هه‌وڵدان تا بیروباوه‌ر٠ى تایبه‌تى خۆیان له ناوچه‌که په‌ره پێ بده‌ن و بیسه‌پێنن و له هێندێ له فه‌لستینیه‌کان بۆ ئامانجه‌کانى خۆیان که‌ڵک وه‌رده‌گرن. قسه‌کانى وه‌زیرى ده‌ره‌وه‌ى میسر راسته‌وخۆ رووى له تاقمى حه‌ماسه که له‌لایه‌ن هێندێ له وه‌لاتانى عه‌ره‌بی که پێوه‌ندى گه‌رمى له‌گه‌ڵ رژیمى ئێران هه‌یه و به موخاله‌فى گه‌لاڵه‌ى ئاشتى خۆرهه‌لاتى ناوه‌راست تاوانبار کراوه.
پێشتریش وه‌زیرى ده‌ره‌وه‌ى میسر، ر٠ه‌خنه‌ى له ئاخوند ره‌فسه‌نجانى گرتبوو به هۆى ئه‌وه‌ى که ناوبراو ره‌خنه‌ى له میسر گرتبوو سه‌رباره‌ت به رێگه نه‌دان به کرانه‌وه‌ى ده‌روازه‌ى ره‌فه‌ح.
ده‌روازه‌ى ره‌فه‌ح که له نێوان میسر و غه‌زه دایه ته‌نیا رێگه‌یێکه که له به‌ر ده‌ستى ئیسرائیل دا نیه و ده‌توانێ له شکانى ئابڵوقه‌ى غه‌زه‌دا گرینگ بێ.
