ئه‌لبه‌راده‌عى ده‌ڵێ: رژیمى تاران له هه‌وڵى وه‌ده‌ست هێنانى چه‌کى ناوکه‌یی دایه
به پێى هه‌واڵى ماڵپه‌ر٠ى دۆیچوێله، سکرتێرى گشتى ناوه‌ندى نێونه‌ته‌وه‌یی ووزه‌ى ناوکه‌یی گووتوویه‌تى رژیمى تاران له هه‌وڵى وه‌ده‌ست هێنانى چه‌کى ناوکه‌یی دایه.
ئه‌لبراده‌عى له ووتووێژێکدا له‌گه‌ڵ رۆژنامه‌ى ئاڵمانى \"دى ولت\" گووتوویه‌تى: رژیمى ئێران ده‌یهه‌وێ به هه‌ر شێوه‌یێک بووه ده‌ستى به چه‌کى ئه‌تۆمى بگا، بۆ ئه‌وه‌ى بکه‌وێته هه‌ل و مه‌رجێکه‌وه که له‌گه‌ڵ ئه‌مریکا بکه‌وێته سات و سه‌وداى گه‌وره‌وه.
سکرتێرى گشتى ناوه‌ندى نێونه‌ته‌وه‌یی ووزه‌ى ناوکه‌یی گووتى: ئامانجى رژیمى ئێرانى له به ده‌ست هێنانى چه‌کى ناوکه‌یی، به‌هێزکردنى هه‌ڵوێست و توانایه‌تى له ناوچه‌که‌دا.
ئه‌لبه‌راده‌عى ده‌ڵێ به ده‌ست هێنانى چه‌کى ناوکه‌یی له‌لایه‌ن تاقمه توندره‌وه‌کانه‌وه‌ى به مه‌ترسى زانى و گووتى ئه‌وانه به‌لایانه‌وه گرینگ نیه بمرن و ئه‌گه‌ر ده‌ستیان به چه‌کى ناوکه‌یی بگا کێشه‌ى گه‌وره دروست ده‌بێ.
