به‌رێوه‌به‌رى دامه‌زراوه‌ى عه‌له‌وى له ئه‌مریکا گیرا
پۆلیسى فیدراڵى ئه‌مریکا (ئێف بی ئاى) سه‌رۆکى دامه‌زراوه‌ى عه‌له‌وى که مۆره‌ى رژیمى ئێرانه له پێوه‌ند به په‌روه‌نده‌ى ده‌ست به‌سه‌رداگرتنى داراییه‌کانى بانکى میللى رژیمى ئێران له شارى نیۆیۆرک، گیراوه.
ئێف بی ئاى ده‌ڵێ: فه‌رشید جاهیدى سه‌رۆکى دامه‌زراوه‌ى عه‌له‌وى، وویستوویه‌تى به‌ڵگه‌کانى تایبه‌ت به‌و په‌روه‌نده که ده‌بێ بدرێ به دادگا، له ناوببات. فه‌رشیدى جاهیدى تا ئێستا هیچ کاردانه‌وه‌یێکى له به‌رانبه‌ر ئه‌و تۆمه‌ته‌دا نه‌بووه.
دامه‌زراوه‌ى عه‌له‌وى پێش رووخانى شایه‌تى له ئێران به دامه‌زراوه‌ى په‌هله‌وی ده‌ناسرا.
