ده که‌سى بۆکانى له‌لایه‌ن دادگاى رژیم له مه‌هاباده‌وه بانگکران
به پێى هه‌واڵى هه‌واڵده‌رى موکریان، له ماوه‌ى چه‌ند رۆژى ر٠ابردوودا ده که‌س له خه‌ڵکى شارى بۆکان به ناوه‌کانى ئیسماعیل ئه‌دیب حیسامى، ئیبراهیم ئیسماعیل پوور، نادر بایه‌زیدى، ناسر حاجى پیرۆتى،
خالد خوداکه‌ره‌مى، عه‌لى ره‌سووڵ نژاد، حسه‌ینى شاوێردى، تاهیر که‌ریمى، محه‌ممه‌د که‌ریمى و مسته‌فا نادرى بۆ دادگاى رژیم له مه‌هاباد بانگکران.
ئیبراهیم عه‌زیزى پارێزه‌رى ئه‌و گیراوانه گووتى: تۆمه‌تى ئه‌و که‌سانه که ئه‌وه دووهه‌م جاره بۆ دادگا بانگکراون، هه‌ڵسوور٠ان و پر٠وپاگه‌نده دژ به رژیم و پێکهێنانى تاقم و ده‌سته دژ به ئاسایشى ناوخۆ راگه‌یێندراوه و ده‌بێ رۆژى سێهه‌مى به‌فرانبار بۆ دیفاع له خۆیان له لقى یه‌کى دادگاى رژیم له مه‌هاباد ئاماده بن.
ناوبراو زیادى کرد، ئه‌و که‌سانه ساڵى ر٠ابردوو به هۆى پێکهێنانى رێ و ره‌سمى ئایینى گیران و هه‌رکام له دواى ٢١ رۆژ زیندان به دانانى زه‌مانه‌ت ئازاد کران.
