ده‌وحه بووه به مقه‌ر٠ى کۆمه‌ڵى وه‌لاتانى هه‌نارده‌ى گاز
وه‌زیرانى ووزه‌ى وه‌لاتانى خاوه‌ن گاز، رۆژى سێ شه‌ممه ٣ى به‌فرانبارى ١٣٨٧، له مۆسکۆ رێکه‌وتن له سه‌ر دارشتنى گه‌لاڵه‌ى دامه‌زراندنى \" کۆمه‌ڵى وه‌لاتانى گازفرۆش،
و ده‌وحه‌ى پێته‌ختى قه‌ته‌ریان وه‌ک بنکه‌ى هه‌میشه‌یی ئه‌و رێکخراوه هه‌ڵبژارد.
سێرگیى ئیشماتکو وه‌زیرى ووزه‌ى روسیه، له کۆتایی کۆبوونه‌وه‌ى کۆمه‌ڵى وه‌لاتانى گازفرۆش گووتى: ئه‌مرۆ رێکخراوێکى نوێ دامه‌زرا، گه‌لاڵه‌ى ئه‌و رێکخراوه له‌لایه‌ن هه‌موو وه‌لاتانى به‌شدار بوو رێکه‌وتنى له سه‌ر کرا و بنکه‌که‌ى له قه‌ته‌ر ده‌بێ.
روسیه که گه‌وره‌ترین سه‌رچاوه‌ى گازى جیهانه، له‌گه‌ڵ ئێران، قه‌ته‌ر، ونزوئێلا، لیبى، میسر، مالزى، ئیماراتى یه‌کگرتووى عه‌ره‌بی، نیجریه، ئه‌ندونزى، ترینیداد و توباگو له‌و رێکخراوه‌دان که پێکهاته‌که‌ى وه‌ک رێکخراوى ئوپێکه.
