سه‌ردانى به‌رێز سکرتێرى سازمانى خه‌بات ى کوردستانى ئێران له پارتى ئازادى کوردستان
پاش نیوه‌رۆى رۆژى سێ شه‌ممه ٢٤ى به‌فرانبارى ١٣٨٧، به‌رێز کاک بابه‌شێخى حسه‌ینى سکرتێرى گشتى سازمانى خه‌بات ى کوردستانى ئێران به هاورێیه‌تى به‌رێزان:
کاک محه‌ممه‌د محه‌ممه‌دى ئه‌ندامى کۆمیته‌ى ناوه‌ندى، کاک به‌ختیار عه‌زیزى و کاک عه‌لى به‌هرامى جێگرانى کۆمیته‌ى ناوه‌ندى سه‌ردانى پارتى ئازادى کوردستانیان کرد و له‌لایه‌ن به‌رێزان: کاک عه‌لى قازى محه‌ممه‌د سه‌رۆکى پارتى ئازادى، کاک حسه‌ین یه‌زدانپه‌نا جێگرى سه‌رۆک و شه‌ماڵ پیران، رزگار عه‌بباسزاده و عه‌بدولا نه‌سیرى و بیژه‌ن زیبایی پێشوازى کران.
له کۆبوونه‌وه‌ى نێوان رێبه‌رى سازمان و هه‌یئه‌تى پارتى ئازادى کوردستان، باس له بارودۆخى جولانه‌وه‌ى گه‌لى کورد و هاوکارى نێوان هێزه سیاسیه‌کانى کوردستان کرا.
