گیرانى چالاکێکى مافى مرۆڤ له سنه
جه‌وادى عه‌لیزاده چالاکى مافى مرۆڤ سه‌رله‌به‌یانى رۆژى پێنج شه‌ممه ٢٦ى به‌فرانبار له شارى سنه له‌لایه‌ن هێزه سه‌رکوتگه‌ره‌کانى رژیمى ئێرانه‌وه گیرا.
له دواى ئازاد بوونى له زیندان له رۆژى ٤ى به‌فرانباردا، بۆ به‌دواداچوون له هه‌ل و مه‌رجى مافى مرۆڤ چه‌ندین جار سه‌ردانى کوردستانى کرد بوو، ناوبراو سه‌رله به‌یانى رۆژى پێنج شه‌ممه ٢٦ى به‌فرانبار به هۆى به‌شدارى له رێ و ره‌سمى رێزگرتن له یادى ئیبراهیم لوتفولاهى خوێندکارى کورد که نزیک به ساڵێک پێش ئێستا له‌لایه‌ن هێزه سه‌رکوتگه‌ره‌کانى رژیمه‌وه له سنه شه‌هید کرا.
عه‌لیزاده یه‌کێک له هاوکارانى کۆمه‌لى چالاکانى مافى مرۆڤ له ئێران و خوێندکارى ده‌رکراوى به‌شى مافى مرۆڤى زانکۆى عه‌لامه‌ى ته‌باته‌بایی بووه، هێزه سه‌رکوتگه‌ره‌کانى رژیم له دواى گرتنى گواستوویانه‌ته‌وه بۆ شوێنێکى نادیار.
