ئیسرائیل له غه‌زه ئاگربر٠ى ر٠اگه‌یاندوه
کابینه‌ى ئاسایشى ئیسرائیل شه‌وى شه‌ممه٢٨ى به‌فرانبارى ١٣٨٧ـ ١٧ى ژانویه‌ى ٢٠ ٠ ٩، له‌و کۆتایی کۆبوونه‌وه‌ى خۆى له تێل ئاویو، ئاگربر٠ى یه‌ک لایه‌نه‌ى له غه‌زه راگه‌یاند.
ئاگربر٠ له سه‌عاتى ٢ى به‌ره‌به‌یانى یه‌کشه‌ممه ٢٩ى به‌فرانبار به کاتى ئیسرائیل، به‌رێوه‌چوو.
تا کاتى ئاگربر٠ه یه‌ک لایه‌نه، هێرشى هه‌وایی و زه‌مینى ئیسرائیل له غه‌زه و هێرشه مووشه‌کیه‌کان بۆ باشوورى ئیسرائیل به‌رده‌وام بوو. ئیهود ئولمێرت سه‌رۆک وه‌زیرى ئیسرائیل له کۆتایی کۆبوونه‌وه‌ى کابینه گووتى: ئه‌و ئامانجانه‌ى که هێرشه‌کان به‌و بۆنه‌وه ده‌ستى پێ کرد، حه‌تا زیاتر له‌و ئامانجانه‌شمان پێکاوه.
ناوبراو گووتى: حه‌ماس به توندى زه‌ربه‌ى خواردوه و ژێرخانى حکومه‌ته‌که‌ى رووخاوه و رێبه‌ره‌کانى خۆیان حه‌شار داوه و لایه‌نى دیفاعى ئیسرائیل به‌هێزتر بووه. ئولمێرت ئیشاره‌ى به رێکه‌وتن نامه‌که‌ى ئه‌مریکا و ئیسرائیل، هه‌وڵه‌کانى میسر و پشتیوانى زلهێزه‌کانى ئوروپا بۆ رێگه‌گرتن له چه‌کدار بوونه‌وه‌ى حه‌ماس کرد.
ناوبراو رژیمى ئێرانى تاوانبار کرد و گووتى: رژیمى ئێران و حه‌ماس هه‌ردووکیان هه‌ڵه‌یان کرد و ئه‌گه‌ر حه‌ماس به‌رده‌وام بێ له سه‌ر هێرشه‌کانى، ئه‌رته‌ش وه‌لامى ده‌داته‌وه. ئولمێرت گووتى: ئه‌گه‌ر حه‌ماس هه‌ڵه‌ى دیکه بکا و بیهه‌وێ ئیسرائیل تاقى بکاته‌وه ئه‌و کات ئیسرائیل مافى خۆیه‌تى کاردانه‌وه‌ى پێویستى هه‌بێ.
