کێشه‌ى ئابوورى گه‌یشته ئێران
رۆژنامه‌ى ئیعتیمادى میللى له زمان وه‌زیرى ئابوورى و دارایی رژیمه‌وه هه‌واڵى دا که شه‌پۆلی دووهه‌مى کێشه‌ى ئابوورى جیهان گه‌یشتۆته ئێران و بازارى سه‌رمایه‌ى ئێرانى تووشى زیان کردوه.
به پێى نووسراوه‌ى ئه‌و رۆژنامه‌یه شه‌مس الدین حسه‌ینى گووتوویه‌تى: شه‌پۆلى دووهه‌مى کێشه‌ى ئابوورى جیهان بازارى سه‌رمایه‌ى ئێرانى دارووخاندوه و ته‌نیا ئه‌زموونى گه‌وره‌ى که به ئابوورى رژیمى داوه ئه‌وه‌یه که هیچ هومێدێک به راوه‌ستانى ئابووریێک نیه که پشتى به داهاتى نه‌وت به‌ستبێ.
رۆژنامه‌ى ئیعتیمادى میللى هه‌روه‌ها نووسیویه‌تى: پێش ئه‌وه به‌رپرسانى ده‌وڵه‌ت هه‌موویان کاردانه‌وه‌ى کێشه‌ى ئابوورى جیهان له سه‌ر ئابوورى ئێرانیان ره‌د ده‌کرده‌وه، و وه‌زیرى دارایی یه‌که‌مین وه‌زیرى کابینه‌ى نۆهه‌مه که ئه‌و مه‌سه‌له قه‌بووڵ ده‌کا.
