سازمانی خهباتی کوردستانی ئێران
لە شاری سۆران سەر بە پارێزگای هەولێر، هەوڵی ڕفاندن چالاکوانێکی سیاسیی خەڵکی کوردستانی ڕۆژهەڵات بە ناوی (مەهدی ئەڵڵاپوور) ئەنجام درا، بەڵام هەوڵەکە سەری نەگرت.بەپێی زانیارییەکان، مەهدی ئەڵڵاپوور کە تەمەنی ۳٦ ساڵە و خەڵکی شاری مەهابادە، لەلایەن چەند تێرۆریستێکی ڕژیمی ئێرانەوە هێرش کراوەتە سەری.
سەرچاوەکان ئاماژە بەوە دەکەن کە هێرشبەرەکان ویستوویانە بە زۆرەملێ ناوبراو بخەنە ناو ئۆتۆمبێلێک و بیڕفێنن، بەڵام دوای بەرگرییەکی زۆر و کۆبوونەوەی خەڵک لە شوێنی ڕووداوەکە، هێرشبەرەکان هەڵاتوون.لە ئەنجامی ئەو هێرشەدا، ئەو چالاکوانە سیاسییە بە سەختی بریندار بووە و دەست و ددانەکانی شکێنراون.
هێرشبەرەکان سەر بە لایەنە ئەمنییەکانی ڕژیمی ئێرانن کە ئامانجیان بێسەروشوێنکردنی ناوبراو بووە.
