سازمانی خهباتی کوردستانی ئێران
بەشداری سازمانی خەبات، لە خۆپیشاندانێکی جەماوەری دژی دەستدرێژی و هێرشە درۆنییەکانی ڕژیمی ئێران لە هەولێر
ئەمڕۆ سێشەممە، ١ی بانەمەڕی ١٤٠٥، بە بەشداری ئەندامانی سازمانی خەبات ی کوردستانی ئێران و بەشێک لە هاووڵاتیان، چالاکوانانی کۆمەڵگەی مەدەنی و نوێنەری ڕێکخراوە جیاوازەکان و لە شاری هەولێری پایتەختی هەرێمی کوردستان، بۆ محکوم کردن و سەرکۆنەکردنی بەردەوامی هێرشە درۆنی و موشەکییەکانی ڕژیمی ئێران بۆ سەر خاکی هەرێم و پشتیوانی لە کوردانی تێکۆشەری کوردستانی ڕۆژهەڵات کۆبوونەوەیەکیان بەڕێوە برد. خۆپیشاندەران لە هەولێر بە بەرزکردنەوەی دروشم و وێنەی شەهیدان و ئاڵای پیرۆزی کوردستان، تێکدانی سەقامگیری ناوچەکە و بەزاندنی سەروەرییەکانی هەرێمی کوردستان لەلایەن ڕژێمی ئێرانیان مەحکوم کرد. خۆپیشاندەران ئاماژەیان بەوە کرد کە ئەم هێرشانە نەک تەنها پێشێلکارییەکی زەقە بۆ سەر یاسا نێودەوڵەتییەکان، بەڵکو مەترسییەکی ڕاستەوخۆە بۆ سەر ژیانی هاووڵاتیانی سڤیل و ئاسایشی ناوچەکە.
