راگه‌یاندنی کۆمه‌ڵه‌ به‌ بۆنه‌ی کۆچیی دوایی مامۆستا شێخ جه‌لال حسێنى

له‌‌‌ ساڵى ١٣٥٩ى هه‌‌‌تاوییدا رێکخراوێکى سیاسى به‌‌‌ ناوى" سازمانى خه‌‌‌باتى ئیسلامى کوردستانى ئێران" پێکهێنا که‌‌‌ بۆ خۆى هه‌‌‌تا چه‌‌‌ند ساڵ له‌‌‌مه‌‌‌وپێش، سه‌‌‌رۆکایه‌‌‌تى ئه‌‌‌م رێکخراوه‌‌‌یه‌‌‌ى له‌‌‌ ئه‌‌‌ستۆ بوو. له‌‌‌ سه‌‌‌رده‌‌‌مى رژیمى پاشایه‌‌‌تیدا مامۆستا شێخ جه‌‌‌لال یه‌‌‌کێک له‌‌‌و که‌‌‌سایه‌‌‌تییه‌‌‌ ئاینییه‌‌‌ دیار و ناسراوانه‌‌‌ بوو که‌‌‌ نه‌‌‌ته‌‌‌نیا سه‌‌‌رى بۆ ساواک و حکومه‌‌‌تى پاشایه‌‌‌تیدا دانه‌‌‌نه‌‌‌واند، به‌‌‌ڵکو به‌‌‌ شێوه‌‌‌ى نهێنى خه‌‌‌باتى سیاسى دژى رژیمى پێشوو هه‌‌‌ر درێژه‌‌‌ پێدا و مزگه‌‌‌وت و حوجره‌‌‌کانى مامۆستا شێخ جه‌‌‌لال جێگاى حه‌‌‌وانه‌‌‌وه‌‌‌ و خۆحه‌‌‌شاردانی هه‌‌‌ڵسوراوان و چالاکانى سیاسى ئه‌‌‌و کاتى کوردستان بوون. مامۆستا شێخ جه‌‌‌لال حوسێنى له‌‌‌کاتى راپه‌‌‌رینى جه‌‌‌ماوه‌‌‌رى گه‌‌‌لانى ئێران دژى رژیمى پاشایه‌‌‌تى رۆڵ و ده‌‌‌ورى تایبه‌‌‌تى گێرا و له‌‌‌خۆپیشاندانه‌‌‌ جه‌‌‌ماوه‌‌‌رییه‌‌‌کان به‌‌‌ تایبه‌‌‌تى له‌‌‌ شارى بانه‌‌‌ و ده‌‌‌وروبه‌‌‌رى به‌‌‌شدارى چالاکانه‌‌‌ى هه‌‌‌بوو. ئێمه‌‌‌ به‌‌‌م بۆنه‌‌‌یه‌‌‌وه‌‌‌ سه‌‌‌ره‌‌‌خۆشى و هاوخه‌‌‌مى خۆمان ئاراسته‌‌‌ى بنه‌‌‌ماڵه‌‌‌ و که‌‌‌س و کارى مامۆستا شێخ جه‌‌‌لال حوسێنى  و رێبه‌‌‌رایه‌‌‌تى سازمانى خه‌‌‌بات ده‌‌‌که‌‌‌ین و هیوادارین ئه‌‌‌مه‌‌‌ دوایین خه‌‌‌میان بێت. سکرتارییه‌‌‌تى کۆمه‌‌‌ڵه‌‌‌ى شۆرشگێرى زه‌‌‌حمه‌‌‌تکێشانى کوردستانى ئێران٣١ى پوشپه‌‌‌رى ١٣٨٩ى هه‌‌‌تاوى