دادگای ئینقلابی مەهاباد لاوێکی بۆکانی بە زیندان مەحکووم کردبە ئاگاداریی میرات فەرهەنگیی سنە ئاسەوارە مێژووییەکان تاڵان دەکرێن

دادگای ئینقلابی مەهاباد لاوێکی بۆکانی بە زیندان مەحکووم کردلاوێکی کوردی خەڵکی شاری بۆکان، کە پێشتر دەستبەسەر و بە دانانی بارمتە ئازاد کرابوو، لەلایەن دادگای ئینقلابی شاری مەهابادەوە حوکمی زیندانیی هەڵپەسێردراوی بۆ بڕایەوە. بەپێی راپۆرتی هەواڵدەریی کوردپا، شاهۆ بایزیدی تەمەن ٢٥ ساڵ، کوری ئەبووبەکر و خەڵکی شاری بۆکان هاوڕێ لەگەڵ خوشکە خوێندکارەکەی دەستبەسەر و بە دانانی بارمتە ئازاد کرابوو، رۆژی شەممە رێکەوتی ٣ی جۆزەردان، لەلایەن دادگای ئینقلابی مەهابادەوە بە ٦ مانگ زیندانیی هەڵپەسێردراو و بۆ ماوەی ٢ ساڵ، مەحکووم کرا. شاهۆ بایزیدی کە رێکەوتی ٢٥ خەزەڵوەری ساڵی ١٣٩٢ هاوڕێ لەگەڵ خوشکەکەی بەناوی ئەفسانە بایزیدی، لە ماڵی خۆیان دەستبەسەر کرابوو، بە تۆمەتی چالاکیی تەبلیغی بۆ یەکێک لە حیزبە کوردییەکان ئەو حوکمەی بۆ بڕاوەتەوە. لە کاتێکدا ئەفسانە بایزیدی لەلایەن حەراسەتی زانکۆی پەیام‌نووری بۆکانەوە ئاگادار کرابوویەوە، کە هەتا رەوتی پەروەندەکەت روون نەبێتەوە مافی هاتنە زانکۆت نییە، بەڵام هەتا ئێستاش بەرپرسانی حەراست و زانکۆی پەیام‌نوور لە وڵامدانەوەو ئیزنی هاتنەوەی ئەو کچە خوێندکارە بۆ زانکۆ، خۆ دەبوێرن.بە ئاگاداریی میرات فەرهەنگیی سنە ئاسەوارە مێژووییەکان تاڵان دەکرێنبە ئاگاداریی ئیدارەی میرات فەرهەنگی و لایەنە پەیوەندیدارەکانی رژێمى ئاخوندى ئێرانەوە لە شاری سنە، ئاسەوارە مێژووییەکان، بەتاڵان دەبردرێن. بەپێی راپۆرتی هەواڵدەریی کوردپا و بە وتەی یەکێک لە هاووڵاتییانی کوردی خەڵکی شاری سنە، ژمارەیەک خەڵکی شارەکانی شیراز و ئیسفەهان بە گوندەکانی دەوروبەری شاری سنەدا دەگەڕێن و سەرەڕای هەڵدانەوەی شوێنەوارە مێژووییەکان، هاوولاتیاینیش بۆ هەڵدانەوەی شوێنەوارەکان هان ئەدەن. به‌‌‌ وته‌‌‌ى سه‌‌‌رچاوه‌‌‌ێکى ئاگادار، لە رۆژانی رابردوودا لە گوندەکانی هانیس و خەیارە، هێندێک گۆڕی مێژووییان هەڵداوەتەوەو ژمارەیەک ئاسەواری مێژوویی و کتێب‌یان دۆزیەوەتەوە لەگەڵ خۆیاندا بردوویانن. هەروەها ئاشکرای کرد، لە ماوەی رابردوودا چەند کەسێک بە ئاگاداریی ئوستاندار و بەرپرسی میرات فەرهەنگیی ئەو شارە، لە رێگەی تونێلەوە گۆڕی "چل مەرە"ی نزیک شاری سنەیان هەڵدایەوەو سێ گۆزەڵەی پڕ لەو سکەیان تێدا دۆزییەوە، کە مێژووەکەیان بۆ سەردەمی ماددەکان دەگەڕایەوە. ئەو هاووڵاتییەی خەڵکی شاری سنە باسی لەوەش کرد، کڕیاری ئەو ئاسەوارە مێژووییانە بە ئاشکرا لە گوندەکان دەگەڕێن و بە پێشنیار کردنی پارەیەکی بەرچاو بۆ ئاسەوارە مێژووییەکان، خەڵکیش بۆ هەڵدانەوەی ئەو شوێنەوارانە هان ئەدەن.