خەباتمێدیا: رۆژی پێنج شەممە 6ی سەرماوەزی 1393 هەیئەتێکی سازمانی خەبات ی کوردستانی ئێران بەشدارییان لە رێورەسمی پرسە و سەرەخۆشی شەهید عەتای کوری بەرێز محەممەدی حاجی محموود سەرۆکی حیزبی سوسیالیست دیموکراتی کوردستان کرد. هەیئەتی سازمانی خەبات کە پێکهاتبوون لە بەرێزان کاک کامیل نورانی فەرد بەرپرسى...
پێوەندییە کوردستانیەکان و بەرێز کاک رەحمان پوورکەریمی بەرپرسی نوێنەرایەتی سلێمانی بەشدارییان لە پرسەی خوالێیخۆشبێت شەهید عەتای محەممەدی حاجی مەحموود کرد و لە نزیکەوە پرسە و سەرەخۆشی بەرێز کاک بابەشێخ حسێنی بەرێوەبەری گشتی سازمانی خەبات و رێبەرایەتیان بە کاک محەممەدی حاجی مەحموود و ئەندامانی سەرکردایەتی حیزبی سوسیالیست راگەیاند.شەهید عەتا لە شەری گرتنەوەی تەللوەرد لە ناوچەی کەرکووک بە گوولەی هێزە ترۆریستیەکانی داعش پێکرا و لەرێی گواستنەوەی بۆ نەخۆشخانە شەهید بوو. شەهید عەتا ئەندامی رێبەرایەتی حیزبی سوسیالیست دیموکراتی کوردستان و هەروەها کورە گەورەی بەرێز کاک محەممەدی حاجی مەحموود سەرۆکی حیزبی سوسیالیست بوو.
10 ساڵ و 4 مانگ و 6 ڕۆژ و 5 کاتژمێر و 43 خوله‌ک له‌مه‌وپێش
