__ ئیتلاعاتی مەهاباد پێش بە چارەسەری پزیشکی زیندانییەکی کورد دەگرن__ شەڕی داعش کوژرانی هاووڵاتییەکی دیکەی مەهابادی لێکەوتەوە__ یارمه‌‌‌تی سه‌‌‌ربازی ڕاسته‌‌‌وخۆ و بە کارهێنانی وشەی وڵات بۆ هێزی پێشمه‌‌‌رگه‌‌‌ __ ڕۆژانی نه‌‌‌هامه‌‌‌تی کورد له‌‌‌ تورکیا کۆتایی پێهاتووه‌‌‌ __ مانگرتنی ژنە زیندانیێکی سیاسی کورد لە زیندانی یاسووج __ ئامانۆ: بە دڵنیاییەوە ناتوانین بڵێین بەرنامەی ناوکەیی رژێم ئاشتی ئامێزە__ هەرەشەی کەریمی قۆدۆسی لە سەرۆک کۆماری رژێمی ئاخوندی__ کوژرانی 250 بەکرێگیراوی رژێمی ئاخوندی لە دەرعای سووریە

ئیتلاعاتی مەهاباد پێش بە چارەسەری پزیشکی زیندانییەکی کورد دەگرنئیدارەی ئیتلاعاتی شاری مەهاباد پێش بە چارەسەری پزیشکی زیندانییەکی سیاسی کورد لەدەرەوەی زیندان دەگرێت. بەپێی راپۆرتی هەواڵدەریی کوردپا، هێزە ئەمنیەتییەکانی رژێمی ئاخوندی ئێران پێش بە گوازتنەوەی چالاکێکی سیاسی کورد بەناوی هاوڕێ غەزاڵی بۆ دەرەوەی زیندان بە مەبەستی چارەسەری پزیشکی دەگرن. ئەو زیندانیە سیاسییە لەماوەی رۆژانی رابردوودا تووشێ ئازار و سک ئێشە بووە. هاوڕێ غەزاڵی نزیکەی ٩ مانگ بەر لەئێستا دەستبەسەر کراوە و بەپێی راپۆرتی چالاکانی مافی مرۆڤ و دێمۆکراسی لەئێران، بەرپرسە ئەمنیەتی و زیندانبانەکان نەخۆشی هاوڕێ وەکووکارتێکی فشار دژ بە ناوبراو بەکار دێنن. ناوبراو بە تۆمەتی هاوکاری لەگەڵ یەکێک لە حیزبە کوردییەکانی ئۆپۆزێسیۆنی حکومەتی ئێران سزای ١٨ مانگ زیندانی بەسەردا سەپاوە و لەئێستادا تووشی خوێنرێژی ریخۆڵە و نێو سک بووە.شەڕی داعش کوژرانی هاووڵاتییەکی دیکەی مەهابادی لێکەوتەوەهاووڵاتییەکی دیکەی خەڵکی مەهاباد کە لە ژیر ناوی " هیجرەت و جیهاد" پەیوەست بە هێزەکانی داعش ببوو، لە چالاکییە نیزامییەکانی ئەو گرووپەدا کوژرا. بەپێی هەواڵی هەواڵدەریی کوردپا، رۆژی شەممە ٥ی بانەمەڕ گەنجێکی مەهابادی لەتێکەڵچوونێکی چەکدارانەی ئەو هێزە لە عێراقدا گیانی لەدەست دا. سەرچاوەیەکی ئاگادار لەشاری مەهابادەوە شۆناسی ئەو هاووڵاتییەی "تەیفی شەریفی" کوڕی رەحمان راگەیاندووە. ناوبراو خەڵکی گەڕەکی "بەری شیلان"ی مەهاباد بووە کە ماوەیەک بەر لەئێستا پەیوەست بە ریزەکانی داعش ببوو. بنەماڵەی ئەو هاووڵاتییە مەهابادییە رێوڕەسمی سەرەخۆشییان بۆ مردنی کوڕەکەیان بەڕێوە بردووە. لەسەرەتای تێکەلچوونی چەکدارانەی هێزەکانی داعش لە گەڵ هێزەکانی پێشمەرگەی کوردستان، چوار گەنجی دیکەی خەڵکی مەهاباد بە ناوەکانی "م. ن" تەمەن ١٦ ساڵ، "ش.ن" تەمەن ٢٠  ساڵ، "ر.س" و رەحیم بایزیدی تەمەن ٢٢ ساڵ لەشەڕ لەگەڵ هیزی پێشمەرگەی کوردستاندا کوژراون. زانیارییە سەرەتاییەکان باس لە چوونی زیاتر لە ١٠ ٠  کەسی خەڵکی کوردستانی ئێران بۆ ناو ریزەکانی گرووپی ترۆرێستی داعش دەکەن.یارمه‌‌‌تی سه‌‌‌ربازی ڕاسته‌‌‌وخۆ و بە کارهێنانی وشەی وڵات بۆ هێزی پێشمه‌‌‌رگه‌‌‌ له‌‌‌ پڕۆژه‌‌‌یاسای بودجه‌‌‌ی سه‌‌‌ربازی ساڵی 2016ی ئه‌‌‌مه‌‌‌ریکا پێشنیار کراوه‌‌‌ بڕی 178 میلیۆن دۆلار یارمه‌‌‌تی سه‌‌‌ربازی به‌‌‌ شێوه‌‌‌ی ڕاسته‌‌‌وخۆ ڕاده‌‌‌ستی هێزی پێشمه‌‌‌رگه‌‌‌ی هه‌‌‌رێم، هێزه‌‌‌ سوننه‌‌‌کان و گاردی نیشتیمانیی عێراق بکرێت. به‌‌‌پێی راپۆرتی هەواڵدەرییەکان، کۆمیته‌‌‌ی خزمه‌‌‌تگوزاری هێزه‌‌‌ چه‌‌‌کداره‌‌‌کانی کۆنگرەی ئه‌‌‌مه‌‌‌ریکا له‌‌‌ پڕۆژه‌‌‌یاسای 500 لاپه‌‌‌ڕه‌‌‌یی بودجه‌‌‌ی سه‌‌‌ربازی 2016ی ئه‌‌‌مه‌‌‌ریکا که‌‌‌ ڕۆژی ڕابردوو بڵاو کرایه‌‌‌وه‌‌‌، پێشنیاری کرد، بڕ‌ی 178 میلیۆن دۆلار یارمه‌‌‌تی سه‌‌‌ربازی به‌‌‌ شێوه‌‌‌ی ڕاسته‌‌‌وخۆ و به‌‌‌ بێ ده‌‌‌ستێوه‌‌‌ردانی به‌‌‌غدا ڕاده‌‌‌ستی هێزی پێشمه‌‌‌رگه‌‌‌، هێزه‌‌‌ سوننه‌‌‌کان و هێزه‌‌‌کانی گاردی نیشتیمانیی عێراق بکرێت. هه‌‌‌روه‌‌‌ها ئاماژه‌‌‌ دراوه‌‌‌ته‌‌‌ یارمه‌‌‌تیدانی هێزه‌‌‌کانی ژێر فه‌‌‌رمانده‌‌‌یی ده‌‌‌وڵه‌‌‌تی عێراق و ئه‌‌‌وه‌‌‌ی که‌‌‌ ئه‌‌‌گه‌‌‌ر ده‌‌‌وڵه‌‌‌تی عێراق هه‌‌‌ندێ هه‌‌‌نگاو له‌‌‌وانه‌‌‌ کۆتایی هێنان به‌‌‌ پاڵپشتی له‌‌‌ هێزه‌‌‌ شیعه‌‌‌کان، ڕێگه‌‌‌دان به‌‌‌ به‌‌‌شداری سیاسی دیکه‌‌‌ی گرووپه‌‌‌کان و هه‌‌‌روه‌‌‌ها به‌‌‌ فه‌‌‌رمی ناسینی هێزه‌‌‌کانی گاردی نیشتیمانی هه‌‌‌ڵنه‌‌‌گرێت، به‌‌‌شێکی زۆر له‌‌‌ یارمه‌‌‌تی سه‌‌‌ربازی ئه‌‌‌مه‌‌‌ریکا بۆ ده‌‌‌وڵه‌‌‌تی عێراقیش ڕاده‌‌‌ستی هێزه‌‌‌کانی پێشمه‌‌‌رگه‌‌‌ و سوننه‌‌‌ ده‌‌‌کرێت. له‌‌‌م پڕۆژه‌‌‌یاسایه‌‌‌دا‌ بۆ هێزه‌‌‌کانی پێشمه‌‌‌رگه‌‌‌ و هێزی سوننه‌‌‌ و گاردی نیشتیمانی ناوی "وڵات" هێنراوه‌‌‌ بۆ ئه‌‌‌وه‌‌‌ی ده‌‌‌وڵه‌‌‌تی ئه‌‌‌مه‌‌‌ریکا بتوانێت به‌‌‌ شێوه‌‌‌ی ڕاسته‌‌‌وخۆ یارمه‌‌‌تی سه‌‌‌ربازی ڕاده‌‌‌ستی ئه‌‌‌وان بکات. بڕیاره‌‌‌ سبه‌‌‌ینێ ئه‌‌‌م پڕۆژه‌‌‌یاسایه‌‌‌ له‌‌‌ کۆمیته‌‌‌ی خزمه‌‌‌تگوزاری هێزه‌‌‌ چه‌‌‌کداره‌‌‌کانی ئه‌‌‌نجومه‌‌‌نی نوێنه‌‌‌رانی ئه‌‌‌مه‌‌‌ریکا تاوتوێ بکرێت و بخرێته‌‌‌ ده‌‌‌نگدانه‌‌‌وه‌‌‌.ڕۆژانی نه‌‌‌هامه‌‌‌تی کورد له‌‌‌ تورکیا کۆتایی پێهاتووه‌‌‌ جێگری ڕێبه‌‌‌ری پارتی داد و گه‌‌‌شه،‌ وتی: له‌‌‌ تورکیا چی دیکه‌‌‌ هه‌‌‌وڵ نادرێ بۆ‌ نکۆڵی کردنی ناسنامه‌‌‌ی کوردان،سووکایه‌‌‌تی کردن به‌‌‌ کوردان کۆتایی پێهاتووه‌‌‌ و که‌‌‌س بۆ له‌‌‌ ناو بردنی ئه‌‌‌وان پلان دانانێ. به‌‌‌پێی راپۆرتی هەواڵدەرییەکان، یاسین ئاکتای، جێگری پارتی داد و گه‌‌‌شه‌‌‌ له‌‌‌ لێدوانێکدا وتی: ڕه‌‌‌وتی دانوستانی ئاشتی بۆ حکوومه‌‌‌تی تورکیا به‌‌‌ مانای دیموکراتیزه‌‌‌ کردنی وڵاته‌‌‌. له‌‌‌ حکوومه‌‌‌ته‌‌‌کانی ڕابردوودا گوشارێکی زۆر له‌‌‌سه‌‌‌ر کوردان بوو، بۆ باشتر کردنی ئه‌‌‌م بارودۆخه‌‌‌ هه‌‌‌نگاوی زۆرمان ناوه‌‌‌، ئێستا چی دیکه‌‌‌ هه‌‌‌وڵ نادرێ بۆ‌ نکۆڵی کردنی کوردان.سووکایه‌‌‌تی به‌‌‌ کوردان کۆتایی پێهاتووه‌‌‌ و که‌‌‌س بۆ له‌‌‌ ناو بردنی ئه‌‌‌وان پلان دانانێت. ڕۆژانی دژوار و سه‌‌‌ختی کوردان له‌‌‌ تورکیا کۆتایی پێهاتووه‌‌‌. ئێمه‌‌‌ ئه‌‌‌م کارانه‌‌‌مان به‌‌‌هۆی په‌‌‌که‌‌‌که‌‌‌ نه‌‌‌کردووه‌‌‌‌ و ته‌‌‌واوی ئه‌‌‌م هه‌‌‌وڵانه‌‌‌ بۆ هاووڵاتیانی کورد له‌‌‌ تورکیا دراوه‌‌‌.مانگرتنی ژنە زیندانیێکی سیاسی کورد لە زیندانی یاسووجمانگرتن لە خواردنی قەدریە قادری زیندانی سیاسی راگیراو لە زیندانی یاسووج پێی نایە شەشەمین رۆژی خۆی. بە پێی راپۆرتی هەواڵدەرییەکان، قەدرییە قادری ژنە زیندانیکراوی سیاسی کورد لە نارەزایەتی بە بارودۆخی نالەباری ناو زیندان و راگیرانی لە ناو زیندانیانی تاوانەکانیتری بەندی ژنانی زیندانی یاسووج و بێبەشی لە مافی مۆرەخەسی لە رۆژی پێنجشەممە 2ی بانەمەری 1394وە دەستی داوەتە مانگرتن لە خواردن. بە پێی ئەم راپۆرتە، ماوەێک پێش ئێستا قازی چاودێری زیندان لەگەڵ مۆرەخەسی ناوبراوو رەزامەندی دەربری و بنەماڵەی قەدرییە قادری دوای تەواوکردنی کارە ئێدارییەکان و دانانی بارمتەی 100 میایون تمەنی، بەرپرسی قەزایی لە دانی مۆرەخەسی بە ناوبراوو خۆی بوارد و بە بیانوی هاتنی نامەێک لە دەزگا ئەمنییەتیەکانی ورمێوە پرۆسەی مۆرەخەسی ناوبراو راگیرا. جێگەی باسە کە قەدرییە قادری تەمەن 25 ساڵ خەڵکی ورمێ لە کۆتاییەکانی جۆزەردانی 1390 لە شاری ورمێ دەستبەسەر کرا  و دوای دوو مانگ لە گرتووخانەی ئیتلاعات بە تۆمەتی هاوکاری یەکێک لە حیزبە کوردییەکان بە 10 ساڵ زیندان سزا درا. ئامانۆ: بە دڵنیاییەوە ناتوانین بڵێین بەرنامەی ناوکەیی رژێم ئاشتی ئامێزەیۆکیا ئامانۆ سکرتێری گشتی ئاژانسی نێونەتەوەیی ئێنرژی ئەتۆمی جارێکیتر رایگەیاند کە بە دڵنیاییەوە ناتوانین بڵێین کە بەرنامە ناوکەییەکەی رژێمی ئاخوندی ئاشتی ئامێزە. بە پێی راپۆرتی هەواڵدەرییەکان، ئامانۆ داوای لە رژێمی ئاخوندی کرد کە بە واژۆی پرۆتۆکۆلی پەیوەند بە سیستەمی چاودێری لە ناکاو و توندتر لە لایەن ئاژانسی نێونەتەوەیی ئێنرژی ئەتۆمی پێمل بێت. بە وتەی ناوبراوو تەنیا لەو رێگایەوە دەتوانن سیستەمێکی جێگای بروا دابنێن کە دەریبخات کە رژێمی ئاخوندی ئێران مەواد و پێداویستی ناوکەیی نییە.هەرەشەی کەریمی قۆدۆسی لە سەرۆک کۆماری رژێمی ئاخوندیجەواد کەریمی قۆدۆسی ئەندامی مەجلیسی رژێم لە کۆبوونەوەی ئەمرۆی مەجلیس وێرای هەرەشە لە حەسەن رۆحانی رایگەیاند، ئەگەر رۆحانی دەست لە هەڵوێستی وێرانکەری خۆی هەڵنەگرێت لە پێ دەردێت. بە پێی راپۆرتی هەواڵدەرییەکان، قۆدۆسی وتی، ئاغای سەرۆک کۆمار بە پێچەوانەی ئۆسووڵی حاکم و هاودڵی و هاوزمانی کار دەکات. بە پێی ئەم راپۆرتە، ناوبراو وتی، ئاغای رۆحانی ئەگەر قسەی خۆی وەرنەگرێتەوە و لە پێش دەرگای ئیلاهی و شەهیدان داوای لێبۆردن نەکات، لە عۆلەما و خەڵک داوای لێبۆردن نەکات و دەست لەو جۆرە هەڵوێستانەی خۆی هەڵنەگرێت بەم زووانە لە پێی دەکەوێت و ئیسلام ئەو بڵایەی بەسەریدا دێنێت کە بەسەر ئەوانیتردا هێنای.کوژرانی 250 بەکرێگیراوی رژێمی ئاخوندی لە دەرعای سووریەلە ناوچەی ئەلجادی سووریە لە نزیک شاری دەرعا رێژەێکی زۆر لە پاسداران و بەکرێگیراوانی ئەفغانی سەر بە هێزی تیرۆریستی قۆدس کوژراون. بە پێی راپۆرتی هەواڵدەرییەکان، شۆرشگێرانی سووری رایانگەیاند، لە ناوچەی ئەلجاتی نزیک شاری دەرعا 250 کەس لە تیرۆریستانی رژێمی ئاخوندی سەر بە سوپای تیرۆریستی قۆدس کە زۆربەیان ئەفغانین لە ماوەی رۆژانی رابردوو کوژراون. بە پێی ئەم راپۆرتە، ئەم بەکرێگیراوانە شان بە شانی هێزەکانی بەشارئەسەد هەوڵدەدەن شاری بەسرلحەریر و ناوچەی ئەلجات لە ناوچەی رۆژئاوای دەرعا داگیر بکەن. بە پێی راپۆرتەکان، و دانپێدانانی هێندێک لە بەکرێگیراوانی رژێم 300 بەکرێگیراو لە ئەفغانستان و ئێرانەوە گوازراونەتەوە بۆ شاری دەرعا تاکوو پێش بە پێشرەوییەکانی شۆرشگێران بگرن.