سازمانی خه‌باتی کوردستانی ئێران
خەبات مێدیا: محەممەدی جەبباری، دادوەری گشتی و دادگای ئینقلابی شاری سنە کە پێشتر بەڕێوەبەری پاراستنی ئیتڵاعاتی دادگای کوردستان بوو، لەسەر سکاڵای سێ مێرمنداڵی کور
خەبات مێدیا: محەممەدی جەبباری، دادوەری گشتی و دادگای ئینقلابی شاری سنە کە پێشتر بەڕێوەبەری پاراستنی ئیتڵاعاتی دادگای کوردستان بوو، لەسەر سکاڵای سێ مێرمنداڵی کورد بە دەزگای دادوەری، گومانی تۆمەتی هاوڕەگەزبازی و دەسدرێژی سێکسی لەسەرە.
ئەو سێ مێرمنداڵە کە تەمەنیان 16 و 17 و 20 ساڵانە، بەناوەکانی سامان "و محەممەد" و زانیار" لە سکاڵاکەیاندا ئاماژەیان بەوە کردووە کە لە شاخی ئاویەری شاری سنە بە تاوانی خواردنەوە دەستبەسەر کراون و بردویاننەتە پێش دادوەر جەبباری.
دەڵێن: جەبباری دەرگای داخست و هەڕەشەی کرد کە جگە لە تاوانی مەشروب خواردنەوە، تاوانی ئەندام بوون لە حزبە کوردستانیەکانیش دەخاتە پاڵمان و دەمانگرن، ئێمەش زۆر ترسابووین و وامان دەزانی کارمان تەواو بوو، و
ناوبراو ووتی لەدەرێ چاوەڕێبن تا نامەی گرتنەکەتان دەنوسم، سەعاتی کاری تەواو بوو و دوو سەعاتی تریش لەدەرێ چاوەڕێ بووین، سەعات 4 ناوبراو لەژورەکەی هاتە دەرێ و وتی بڕۆن سەعات شەش وەرن بۆ ئەو ئادرەسەی کە دەتاندەمێ بزانم دەتوانم هاوکاریتان بکەم یان نا، ئێمەش چووین بۆ ئادرەسەکە.
ئەو سێ مێرمنداڵە لەدرێژەدا دەڵێن، جەبباری ئێمەی بردە ئاپارتمانێک لە گەڕەکی سەعدی شاری سنە و درگای کردەوە و ئێمەی بردە ژورێ، لەدوای ئامۆژگاری و قسەیەکی زۆر، بەردەوام چەکەکەی نیشان ئەداین و داوای لێکردین کە پێوەندی جنسیمان هەبێ لەگەڵی، و دەیوت کە بۆ هەرجارێک بڕێکی باش پوڵمان دەداتێ و هەروەها پەروەندەکە دادەخات، مێرمنداڵەکان دەڵێن، لەڕوی ترسەوە ئەوکارەمان لەگەڵ ئەنجام دام، بەڵام دواتر بۆمان دەرکەوت کە فیلمی لێگرتووین و ووتی ئەگەر لە هەرشوێنێک باسی بکەین ئەوە وێنەی خۆی لە فیلمەکە لادەبات و ئابڕوی ئێمە دەبات، دەڵێن، ترساین تا ئەوکاتەی کە بە ڕاوێژی وەکیلێک توانیمان شکایەتی لێبکەین.
لەلایەکی ترەوە هەڕەشەیان لە خانەوادەی ئەو سێ مێرمنداڵە کردووە کە بێدەنگ بمێننەوە.
