سازمانی خه‌باتی کوردستانی ئێران
بە داخەوە هەواڵی کۆچی دوایی حاجی مستەفا مەحمودی (موچەیی) م پێگەیشت.
بە داخەوە هەواڵی کۆچی دوایی حاجی مستەفا مەحمودی (موچەیی) م پێگەیشت.
کاک مستەفا موچەیی یەکێک لە تێکۆشەران و دڵسۆزانی ڕێبازی سازمانی خەبات و شۆرشی مافخوازی و ڕەوای گەلی کورد بوو. حاجی مستەفا هەم لە پێش پێکهاتنی سازمانی خەبات و هەم لە دوای پێکهاتنی سازمانی خەبات، تێکۆشاوەو بە دیاری کراوی وەک پێشمەرگەی هێزی بەرگری لە چەندین جەنگ و ڕوبەڕوبونەوە لە بەرانبەر پاسدار و هێزی داگیرکەری ڕژیمی دیکتاتۆری ئاخوندی بەشداری کرد.
حاجی مستەفا و هاوسەری کۆچ کردوی و ئەندامانی خانەوادەی، هەمیشە دڵسۆزی ڕێبازی سازمانی خەبات و پشتیوان دڵسۆزی مامۆستا سەیید جەلال حوسەینی دامەزرێنەری سازمانی خەبات بوون.
بەبۆنەی کۆچی دوایی حاجی مستەفا، سەرەخۆشی و هاوغەمی خۆم و هاوڕ٠ێیانم لە سازمانی خەبات، بە کاک ساڵح مەحمودی (موچەیی) کادرو پێشمەرگەی دێرینی سازمانی خەبات و تێکڕای ئەندامانی خانەوادەو خزمانی حاجی مستەفا و خەڵکی تێکۆشەری ناوچەی بانە، پێشکەش دەکەم.
بەو هومێدەی بە زوترین کات ئازادی نیشتمانی ڕەنگین و وەدی هاتنی ئازادیی یەکجاری،و کۆتایی هاتنی دەسەڵاتی ستەمگەری ئاخوندی لە ئێران، کە ئاواتی حاجی مستەفا و هەموو خەڵکی کوردستان و ئێرانە، بێتە دیی.
لەگەڵ پرسە و سەرەخۆشی دووبارەم.
سازمانی خەباتی کوردستانی ئێران
سکرتێری گشتی
بابەشێخ حوسەینی 6ی خەزەڵوەری 1399
