سازمانی خه‌باتی کوردستانی ئێران
هاوباوەڕانی مەسیحی لە ئێران و جیهان! یادی لە دایک بوونی
هاوباوەڕانی مەسیحی لە ئێران و جیهان! یادی لە دایک بوونی
عیسا مەسیح (ع) و ساڵی نۆی 2021 زایینی لە مەسیحیەکانی کوردستان، ئێران و جیهان پیرۆز بێ. لە کاتێکدا یادی لە دایک بوونی مسیح (ع) بەرز ڕادەگرین و ساڵی نۆی 2021 جێژن دەگرین، بەداخەوە ستەم و بێدادی لە زۆربەی ووڵاتانی ناوچەی خۆرهەڵاتی ناوەڕاست و بە تایبەتی لە ئێراندا، بۆتە پێناسەی حکومەت و دەسەڵاتە دیکتاتۆرەکان. ڕژیمی ملهوڕی ئاخوندی لە ئێران بە شێوەی سیستماتیک و گەڵاڵە بۆداڕێژراو، سەرکوتی خاوەن باوەڕانی مەسیحی و باقی ئایین و نەتەوەو مەزهەبەکان دەکات. ئەو دەسەڵاتە پاوانخوازو حەق نەبیستە،لە ماوەی تەمەنیدا بە پەیڕەو کردنی سیاسەتی دژی ئینسانی و ئیسلامی و کۆمەڵایەتیەکان و بە دیاری کردن و سەپاندنی قانونی دواکەوتوانە،درێژە بە دەسەڵاتی دەستەێکی بچوک بە سەر تێکڕای خەڵکی ئێران دەدات. پەسەند کردنی قانونی دواکەوتوانەو، دارولەلەکانی مەجلیسی ڕژیم،بۆ ئەوەی کە ئافرەتان و ئەوانەی بۆچوون و بیروباوەڕیان پێچەوانەی بیری تەسکی دەسەڵاتدارانەو هەروەها مەزهەب و ئایینەکان و نەتەوەکانی پێکهێنەری ئێران، بە تایبەت نەتەوەی کورد کە مافی خۆپاڵاوتنیان بۆ سەرۆک کۆماری نیە، دەرخەری جینایەتکاری و دژایەتی دەسەڵاتداران لە گەڵ خەڵکی ئێران بە تێکڕاو بیروباوەڕو نەتەوەکانی پێکهێنەری ئێرانە. بێگومان تا ئەو دەسەڵاتە ملهوڕە نەڕوخێ کۆتایی بە مەینەتی و جیاوازی دانان و سەرکوت و هەڕەشە لە ئێراندا نیە. بەو ئاواتەی لە ساڵی داهاتووی زایینی، ئاسۆ لە بەردەمی خەڵکی ئێران و خاوەن باوەڕانی مەسیحی، و تێکڕای باوەڕو نەتەوەکانی ئێران گەشاوەو ڕوناک بێت ولە ساڵی داهاتوو، کۆتایی بە نەخۆشی کوشەندەی کۆڕوناو دەسەڵاتی ستەمکارو جینایەتکاری ئاخوندی لە ئێراندا بێ. جارێکی دیکە بە ناوی خۆم و هاوباوەڕانم لە سازمانی خەبات کوردستانی ئێران پیرۆز بایی گەرم بە بۆنەی یادی عیسا مەسیح و ساڵی نۆی زایینی پێشکەش دەکەم. سازمانی خەبات ی کوردستانی ئێران سکرتێری گشتی بابەشێخ حوسەینی 24 دیسامبری 2020
