دۆناڵد ترامپ، ئیسراییلی خستۆتە ژێر فەرماندەیی ناوەندی ئامریکا لە خۆرهەڵاتی ناوەڕاست.

 خەبات مێدیا: بە پێی ڕاپۆرتی واڵ ستریت ژۆرناڵ" دۆناڵد ترامپ، شەوی پێنج شەممە ۱٤ی ژانویە بەرانبەر بە ۲٥ی بەفرانبار، و لە دوایین ڕۆژەکانی سەرۆک کۆماری خۆیدا،وە لە درێژەی سیاسەتی وڵاتانی عەرەبی و ئیسراییل، بۆ بەرەنگاربوونەوە لەگەڵ هێرشەکانی ڕژیمی ئێران ،ئیسراییلی خستۆتە ژێر فەرماندەیی ناوەندی ئەمریکا لە خۆڕهەڵاتی ناوەڕاست وباشووری ڕۆژئاوای ئاسیا. ئەم بڕیارە لەکاتێکدا جێبەجێ کراوە کە پەیوەندی نێوان ئیسراییل لەگەڵ ووڵاتانی عەرەبی وەک بەحرەین، ئەماڕاتی یەکگرتوویی عەرەبی، سوودان و مەغریب، ئاسایی بۆتەوە.

بە پێی ئەم بڕیارە، ئیسراییل وەک بیست ویەکەمین وڵات،دەکەوێتە ژێر فەرماندەیی ستادی ناوەندی ئامریکا لەخۆرهەڵاتی ناوەڕاست و هەروەها بەشێوەیەکی بەرچاو هاوکاری و هاوپەیمانی لە گەڵ ووڵاتانی ناوچەکە بەرانبەر ڕژیمی ئێران،دەکات. مایک جۆنز سەرۆکی پێشوویی ستادی فەرماندەیی ناوەندی ئامریکا لەم بارەیەوە وتی: هۆی بەجێ بۆتە پاڵپشت بۆ دەرکردنی ئەم بڕیارەو باوەڕم وایە، بڕیارێکی لۆژێکی و دروستە.