سازمانی خه‌باتی کوردستانی ئێران
خەبات مێدیا: ڕۆژی هەینی 6ی خاکەلێوە، دامەزراوەیەکی نێونەتەوەیی بۆ کاروباری پەنابەری، باسی لەوەکردووە کە لەساڵی 2020نزیکی 2300پەنابەر لە ڕێگای گەیشتن بە ئورووپا
خەبات مێدیا: ڕۆژی هەینی 6ی خاکەلێوە، دامەزراوەیەکی نێونەتەوەیی بۆ کاروباری پەنابەری، باسی لەوەکردووە کە لەساڵی 2020نزیکی 2300پەنابەر لە ڕێگای گەیشتن بە ئورووپا کوژراون و بێسەروشوێن بوون.
بەپێی بەراوردی سەرژمێرییەکان، ژمارەی قوربانیان لەساڵی ڕابردووی زایینی لەچاو ماوەی ساڵی پێشووتر واتە ساڵی 2019 زۆرتر بووە.
هەروەها بەپێی ڕێژە فەرمییەکان، نزیکی 2095 پەنابەر لەساڵی 2019، و 2344پەنابەر لە ساڵی 2018 لە ڕێگای ئورووپا بوونەتە قوربانی.
هەرچەند ڕێژەی ئەو پەنابەرانەی کە لەساڵی 2020خۆیان گەیاندۆتە ئورووپا گەیشتۆتە کەمترین ڕێژە لە دەیەی ڕابردوو، بەڵام ڕێژەی گیان لەدەستدان و بێسەروشوێن بوون لە ڕێگە دەریاییەکان بە شێوەیەکی بەرچاو لەسەرەوەیە.
زۆربەی ئەو پەنابەرانە ناچاردەبن لەسەر قایەق لە دەریاکان تێپەر ببن کە ڕێگایەکی بێ متمانە و مەترسیدارە.
هەروەها لەماوەی یەکساڵی ڕابردوو دا بەهۆی کۆڕۆنا سنووری وڵاتانی ڕێگەی ئورووپا بە توندی ڕاگیراوە.
لەسەرەتای ساڵی 2021تا ئێستە 300 پەنابەر بۆگەیشتن بە ئورووپا لە ڕێگای دەریا، بوونەتە قوربانی.
