سازمانی خه‌باتی کوردستانی ئێران
هاونیشتمانیانی بەڕێز!
تێکۆشەرانی ڕێگەی ئازادی!
ڕۆژی شەممە لە نزیک شاری ئامێدی، پێنج پێشمەرگە لە هێزەکانی پێشمەرگەی هەرێمی کوردستان لە شەڕ و پێکدادانێکی لە ناکاودا شەهید بوون. ئەو ڕوداوە مەترسی سەرهەڵدانی شەڕی کورد لەگەڵ کوردی بە دوای خۆیدا هێناوە. سازمانی خەبات وەک هەمیشە هەر جۆرە کردەوەیەک کە زیان بەقەوارەو دەسەڵاتی هەرێمی کوردستان بگەێنێ بە زیان بۆ تێکرای کوردی دەزانێ و باوەڕی وایە ڕژیمی ئاخوندی ئێران و دەسەڵات و حکومەتی تورکیە، ئامانجیان دروست بوونی جەنگی نێوان لایەنەکانی کوردستان و لاواز کردنی دەسەڵاتی هەرێمی کوردستانە، بە تایبەت کە ڕژیمی ئاخوندی ئێران ڕاستەوخۆ و ناڕاستەوخۆ، دەست لە کاروباری ناوخۆی عێراق و هەرێمی کوردستان وەردەدا، هەروەها دەسەڵاتی تورکیە، هێزەسەربازیەکانی بە قوڵایی ٣٠ کیلۆمیتر هیناوەتە خاکی هەرێمی کوردستان و بە ئاشکرا هەڕەشە لە کورد بە تێکڕاو سەروەری هەرێمی کوردستان دەکات.
بە لە بەرچاوگرتنی ئەو هەلومەرجە ناسکەی هەرێمی کوردستانی تێدایەو بە لە بەرچاوگرتنی قازانج و بەرژەوەندیەکانی تیکڕایی، ئێمە داواکارین بۆ کۆتایی هاتن بە ناکۆکی و کێشەکان، ڕێگەی دانوستان و دیالۆگ بگرنەبەر. هەروەها داواکارین هەموو پێکەوە هەوڵ بۆ پاراستنی هەرێمی کوردستان بدەین و رێز لە سەروەری و یاساکانی بگرین و لە هەمان کاتیشدا کارێک بکرێ هێزو لایەنەکانی کورد لە بەشەکانی دیکەی کوردستان هەست بە ئارامی و دڵنیایی بکەن لەم هەرێمە.
سازمانی خەبات ی کوردستانی ئێران کومیتەی ناوەندی
05.06.2021
