سازمانی خه‌باتی کوردستانی ئێران
بە داخەوە لە چەند ڕۆژی ڕابردودا لێڕەوارەکانی کوردستان و بە تایبەت لێڕەوارەکانی دەوروبەری شاری مەریوان لە لایەن کەسانی سەر بە ڕژیمی ئاخوندی و کەسانی دژ بە ژینگە
بە داخەوە لە چەند ڕۆژی ڕابردودا لێڕەوارەکانی کوردستان و بە تایبەت لێڕەوارەکانی دەوروبەری شاری مەریوان لە لایەن کەسانی سەر بە ڕژیمی ئاخوندی و کەسانی دژ بە ژینگەو دژ بە کورد و کوردستان سوتێندران.
بە پێی زانیاریەکان لەو ڕۆژو کاتانەدا کە داربەڕو دار مازوارەکان لە چیاکانی کوردستان و بە تایبەت ناوچەی مەریوان لە ئاگردا دەسوتێن، دەسەڵاتدارانی ڕژیم و ناوەندەکانی ئاگر کوژانەوە هیچ هەوڵیان نەداوە بۆ کوژانەوەی ئاگرەکەو تەنیا تێکۆشەران و نیشتمان خۆشەویستانی ژینگە پارێز لە مەریوان و شارەکانی دیکەی کوردستان بە هەوڵ و ماندوو بوونی شەو ڕۆژی و بە بێ بوونی کەل و پەلی ئاگر کوژاندنەوە، بە گژ پیلانی دژمنان و ئاگردا هاتونەوەو توانیویانە بەشێک لە دارستانەکانی کوردستان لە سووتان و لە ناوچوونی یەکجاری ڕزگار بکەن.
سازمانی خەبات ی کوردستانی ئێران سپاس و پێزانینی خۆی بە ژینگە پارێزان و تێکۆشەرانی خۆبەخش و نیشتمان و گەل خۆشەویست پێشکەش دەکا کە بە هەوڵ و ماندوو بوونیان و چاوپۆشین لەو مەترسیانەی تووشیان دەبێ، ئاگری دارستانەکان دەکوژێننەوە. بێگومان ئەوان فیداکاران و نیشتمان خۆشەویستانن و ناویان لە مێژوودا بە بەرزی دەمێنێتەوە. سازمانی خەبات ی کوردستانی ئێران وێڕای مەحکوم کردنی دووبارەی پیلانەکانی دژمنان بۆ سوتاندن و لە ناوچوونی لێڕەوارەکان و ژینگەی کوردستان،داوا لە لاوان و هاونیشتمانیانی بەڕێزی کوردستان دەکا کە زیاتر لە ڕابردوو، هەوڵ بۆ پاراستنی نیشتمان و لێڕەوارو ژینگەی کوردستان بدەن و هاوکاری ڕێکخراو گروپە ژینگە پارێزەکان بکەن.
مەرگ و نەمان بۆ ڕژیمی دیکتاتۆری ئاحوندی
پارێزراو بێ نیشتمانی خۆشەویست و ژینگەو لێڕەوارەکانی
سازمانی خەبات ی کوردستانی ئێران کومیتەی ناوەندی
13 ی پوشپەری 1400 کۆچی خۆری
