داواکاری سازمانی خه‌باتی کوردستانی ئێران له‌ خه‌ڵکی تێکۆشه‌ری کوردستان

خه‌‌‌ڵکی تێکۆشه‌‌‌ری کوردستان!
هه‌‌‌روه‌‌‌ک ئاگادارن ڕژیم له‌‌‌ ماوه‌‌‌ی چه‌‌‌‌ند ڕۆژی ڕابردودا و له‌‌‌ ڕێگه‌‌‌ی چه‌‌‌ند به‌‌‌رپرسێکی سپای تیرۆرستی پاسدارانه‌‌‌وه‌‌‌ ،هه‌‌‌ڕه‌‌‌شه‌‌‌ی هێرش و په‌‌‌لاماری تیرۆرستیانه‌‌‌ بۆ سه‌‌‌ر بنکه‌‌‌‌ و باره‌‌‌‌گای هێزه‌‌‌ سیاسیه‌‌‌کانی کوردستانی ئێران، نیشته‌‌‌جێ له‌‌‌ هه‌‌‌رێمی کوردستان ده‌‌‌کا و له‌‌‌ تازه‌‌‌ترین کاردانه‌‌‌وه‌‌‌دا، چه‌‌‌ند ڕۆژه‌‌‌ ڕژیم له‌‌‌ ڕێگه‌‌‌ی تۆپخانه‌‌‌کا‌نی و به‌‌‌ درۆنی ئینتیحاری ناوچه‌‌‌ شاخاویه‌‌‌کانی نزیک سنوری هه‌‌‌رێمی کوردستان بۆمباران ده‌‌‌کات.
ڕژیم و نیزامی ده‌‌‌سه‌‌‌ڵاتداری ئاخوندی له‌‌‌ ئێران ڕۆژ به‌‌‌ڕۆژ له‌‌‌ شکست و ڕوخان نزیک ده‌‌‌بێته‌‌‌وه‌‌‌ و هەتا دێ لە ناوخۆی ئێران و کوردستان دا له‌‌‌ ئه‌‌‌نجامی دزی و گه‌‌‌نده‌‌‌ڵی سیاسی و ئیداری، به‌‌‌هه‌‌‌ده‌‌‌ردانی سه‌‌‌روه‌‌‌ت و سامانی خه‌‌‌ڵک، چه‌‌‌وساندنه‌‌‌وه‌‌‌، تیرۆر، کوشتن، گرتن و له‌‌‌سێداره‌‌‌دانی خه‌‌‌لک، دروستکردنی قه‌‌‌یرانی ئابوورین هه‌‌‌ژارکردنی خه‌‌‌ڵکی ئێران، زه‌‌‌وت کردنی ماف و ئازادیه‌‌‌کانی خه‌‌‌ڵک و نه‌‌‌ته‌‌‌وه‌‌‌ جیاوازه‌‌‌کانی ئێران، ئه‌‌‌م ڕژیم و ده‌‌‌سه‌‌‌ڵاته‌‌‌ نه‌‌‌خوازرا و گه‌‌‌نده‌‌‌ڵەیە‌‌، ڕوبه‌‌‌ڕوی ناڕەزایەتی و بێزاری و سه‌‌‌رهه‌‌‌ڵدانی زیاتری خه‌‌‌ڵک ده‌‌‌بێته‌‌‌وه. خه‌‌‌ڵک چیتر ناچنه‌‌‌ ژێر باری بێده‌‌‌نگی و چۆک بۆ هه‌‌‌ڕه‌‌‌شه‌‌‌ و لێدان وگرتن و زیندانی کردنیان له‌‌‌ لایه‌‌‌ن هێزه‌‌‌ سه‌‌‌رکوتگه‌‌‌ره‌‌‌کانی ئه‌‌‌م ڕژیمه‌‌‌ ناده‌‌‌ن.
له‌‌‌لایه‌‌‌کی تریشه‌‌‌وه‌‌‌ له‌‌‌ ئه‌‌‌نجامی ده‌‌‌ستێوه‌‌‌ردانی ئه‌‌‌م رژیمه‌‌‌ له‌‌‌ کاروباری ده‌‌‌وڵه‌‌‌تانی دراوسێ و هاوکاری کردنی گروپه‌‌‌ تیرۆرستیه‌‌‌کان له‌‌‌م ناوچه‌‌‌دا و، هه‌‌‌وڵدان بۆ شه‌‌‌ڕ و وه‌‌‌ده‌‌‌ست خستنی چه‌‌‌کی ناوه‌‌‌کی و ئاژاوه‌‌‌‌گێڕی له‌‌‌ جیهان دا و پێشێلکردنی مافه‌‌‌کانی مرۆڤ، له‌‌‌لایه‌‌‌ن وڵاتان و ناوه‌‌‌نده‌‌‌کانی مافی مرۆڤه‌‌‌وه‌‌‌ په‌‌‌راوێز ده‌‌‌خرێ.
هه‌‌‌ر بۆیه‌‌‌ وه‌‌‌ک عاده‌‌‌تی هه‌‌‌میشه‌‌‌ی ئه‌‌‌م نیزامه‌‌‌ زاڵم و گه‌‌‌نده‌‌‌ڵه‌‌‌ و بۆ خۆ شاردنه‌‌‌وه‌‌‌ و که‌‌‌م ڕه‌‌‌نگکردنه‌‌‌وه‌‌‌ی ئه‌‌‌و شکسته‌‌‌ به‌‌‌رده‌‌‌وامه‌‌‌ی که‌‌‌ تووشی بوون، ده‌‌‌یان هه‌‌‌وێ به‌‌‌ دروستکردنی قه‌‌‌یرانی نوێ و هه‌‌‌ڕه‌‌‌شه‌‌‌ له‌‌‌ تێکۆشه‌‌‌رانی کوردستانی ئێران و به‌‌‌ ئامانجگرتنی خه‌‌‌ڵکی مه‌‌‌ده‌‌‌نی و ماڵ و منداڵی په‌‌‌نابه‌‌‌رانی سیاسی، هێرش بکه‌‌‌نه‌‌‌ سه‌‌‌ر ئیرادەی سیاسیی نەتەوەی کورد و ڕێکخراوە خەباتکارەکانی.
بێگومان ڕژیم ترسێکی زۆری له‌‌‌ خه‌‌‌ڵکی کورد هه‌‌‌یه‌‌‌ و ده‌‌‌زانێ که‌‌‌ کوردستانی ئێران مه‌‌‌ڵبه‌‌‌ندی خۆراگری و ڕوبه‌‌‌ڕوبوونه‌‌‌وه‌‌‌‌یه‌‌‌ و زیاد له‌‌‌ هه‌‌‌ر شوێنێکی تری ئێران، خه‌‌‌ڵکی کوردستان ئاماده‌‌‌ی هه‌‌‌نگاوی عه‌‌‌مه‌‌‌لین بۆ روخانی ئه‌‌‌م سیستم و نیزامه‌‌‌ گه‌‌‌نده‌‌‌ڵه‌‌‌. هه‌‌‌ر بۆیه‌‌‌ به‌‌‌ هه‌‌‌وڵی تیرۆرستی و دوژمنکارانه‌‌‌ی خۆی ده‌‌‌یهه‌‌‌وێ سه‌‌‌نگه‌‌‌ری خۆراگری خه‌‌‌ڵکی کوردستان تێک بشکێنێ و هێرشی تیرۆریستی بکاته‌‌‌ سه‌‌‌ر ئیراده‌‌‌ی خه‌‌‌ڵک و تێکۆشه‌‌‌رانی کوردستان.
سازمانی خه‌‌‌باتی کوردستانی ئێران داوا له‌‌‌ خه‌‌‌ڵکی شۆڕشگێڕ و چاونه‌‌‌ترسی کوردستان ده‌‌‌کا، که‌‌‌ چالاکیه‌‌‌کانیان دژی ڕژیم زیاتر بکه‌‌‌ن و ئاماده‌‌‌ی هه‌‌‌ر جۆره‌‌‌ ڕووبه‌‌‌ڕووبوونه‌‌‌وه‌‌‌یه‌‌‌ک بن به‌‌‌ ئامانجی پوچه‌‌‌‌ڵکردنه‌‌‌وه‌‌‌ی پلانی دوژمنکارانه‌‌‌ی ڕژیم و هه‌‌‌رگیز نه‌‌‌هێڵن که‌‌‌ ئیراده‌‌‌ و باوه‌‌‌ڕی خه‌‌‌ڵکی کوردستان بکه‌‌‌وێته‌‌‌ به‌‌‌ر هێرشی دوژمنکارانه‌‌‌ی ئه‌‌‌م نیزامه‌‌‌ که‌‌‌ له‌‌‌سه‌‌‌ره‌‌‌ مه‌‌‌رگی ته‌‌‌مه‌‌‌نی خۆیدایه‌‌‌.
داوا له‌‌‌ هه‌‌‌موو چین و توێژه‌‌‌کانی ناو کۆمه‌‌‌ڵگای کوردستان و ئه‌‌‌ندامانی ناوخۆ و ته‌‌‌شکیلاتی سازمانی خه‌‌‌بات و هێزه‌‌‌کانی تر ده‌‌‌که‌‌‌ین، که‌‌‌ به‌‌‌ هاوکاری و هه‌‌‌ڵوێستی یه‌‌‌کگرتوانه‌‌‌‌یان به‌‌‌ هه‌‌‌ر شێوه‌‌‌یه‌‌‌ک که‌‌‌ ده‌‌‌گونجێ دژی ئه‌‌‌م هێرشانه‌‌‌ی دوژمن بوه‌‌‌ستنه‌‌‌وه‌‌‌
سازمانی خەباتی کوردستانی ئێران
کومیتەی ناوەندی
20ی خەرمانانی 1400