کوژرانی کۆڵبەرێکی کورد بە دەسترێژی هێزە سەرکوتگەرەکانی رژیمی ئاخوندی

لە سنوری بانە کۆڵبەرێکی کورد بە دەستی هێزەکانی رژیمی ئاخوندیەوە دەسترێژی لێ کرا و گیانی لەدەستدا. شەوی یەکشەممە ٢١ی خەرمانانی ١٤٠ ٠ ی کۆچی خۆری لە سنووری سارداو هێزەکانی رژیمی ئاخوندی دەسترێژیان لە کۆڵبەرێکی کورد بەناوی رەسول کەریمی ٢٤ ساڵەی خەڵکی گوندی بڵەسەن کردووە و لە ئەنجامدا گیانی لە دەست داوە.

رەسوڵ کەریمی برازای کاک عومەری کەریمی پێشمەرگەی دێرین و ئەندامی سازمانی خەباتی کوردستانە و بەو بۆنەوە پرسەو سەرەخۆشی لە کاک عومەر و خانەوادەی کەریمی، خەڵکی بڵەسەن و شاری بانە دەکەین.

هەروەها دەسترێژی هێزە سەرکوتگەرەکانی رژیمی ئاخوندی لە کۆڵبەرانی زەڵملێکراوی کورد بە توندی مەحکوم و پرۆتستۆ دەکەین.