سازمانی خه‌باتی کوردستانی ئێران
خەباتمێدیا: جاوید ڕەحمان راپۆرتدەری تایبەتی نەتەوە یەکگرتووەکان بۆ مافەکانی مرۆڤ لە ئێران، دەڵێ ڕژیمی ئێران دژ بە نارەزایەتی هێمنانە زۆر و چەک بەکار دێنێ.
جاوید ڕەحمان، راپۆرتدەری تایبەتی ڕێکخراوی نەتەوەیەکگرتووەکان بۆ مافەکانی مرۆڤ لە ئێران، لە ڕاپۆرتێکدا بۆ کۆری گشتی ئەو رێکخراوە نووسیویەتی، بەکارهێنانی هێز و چەک و سەرکوتی نارەزایەتیەکانی لە خوزستان هاوشێوەی نارەزایەتیەکانی ٩٨ هێز و چەکی بەکار هێناوە، کە لانیکەم ٩ کەس یەک لەوان منداڵێک کوژرا.
جاوید ڕەحمان هەروەها لەو ڕاپۆرتەدا ئاماژەی بە مەرگی شاهین ناسری، ئەشکەنجەی نەوید ئەفکاری، ئەمیر حسەین حاتەمی کردوە و دەڵێ: نمونەی جیاجیای کوشتاری گۆماناوی لە زیندانەکانی ڕژیمی ئێران ڕووی داوە.
ناوبراو هەروەها باسی لە دۆخی ئێعدامەکان لە ئێرانی بندەستی ئاخوندان کرد و ئاماژەی بە بەردەوامی جێبەجێ کردنی ئێعدام لە ئێران کرد و وتی کە ساڵی پێشوو نزیک بە 200کەس لە ئێران لەلایەن بەرپرسانی ڕژیمی ئاخوندی لەسێدارە دراون. جاوید رەحمان هەروەها رایگەیاندووە کە ئێعدامی کەسانی ژێر ١٨ ساڵ درێژەی هەیە لە کاتێکدا ئەو وەڵاتە ئەندامی کنوانسیۆنی مافی منداڵانە و نابێ منداڵانی تاوانبار لەسێدارە بدات.
راپۆرتدەری تایبەتی نەتەوە یەکگرتووەکان لە بەشێکی دیکەی راپۆرتەکەیدا ئیشارەی بە گرتن و زیندانی کردنی کەسانی دوو ناسنامە کردوە. لە پێوەندەدا ئیشارەی بە پەروەندەی باقری نەمازی کردوە کە لە دوای گیرانی کورەکەی بەناوی سیامەکی نەمازی بۆ بەردانی گەرواوەتەوە بۆ ئێران بەڵام خۆیشی دەستگیر کراوەو بە هۆی تەمەنەوە لە دۆخێکی خراپی جەستەییدایە.
جاوید رەحمان لە بەشێکی دیکەی راپۆرتەکەیدا ئیشارەی بە گیرانی پارێزەران و چالاکانی مافی مرۆڤ لە ئێران کردوە. ناوبراو تیشکی خستوەتە سەر گرتن و فشار بۆ سەر چالاکانی مەدەنی و پارێزەرانی مافی مرۆڤ، خانەوادە و کەس و کارەکانیان لەلایەن دەزگا ئەمنیەتیەکانی رژیمی ئێران.
