سازمانی خه‌باتی کوردستانی ئێران
خەبات مێدیا: لاوێکی خەڵکی شاری سەقز بەشداری لە کێبڕکێی بۆکسی ئاسیادا دەکات.
کێبڕکێی بۆکسی هەڵبژاردنەکانی تیمی میللی مێردمنداڵان و لاوانی وڵاتی ئێران بۆ بەشداریکردنی لە کێبڕکێکانی ئاسیایی لە ئۆردۆن لە 9 هەتا 14ی بەفرانبار، لەشاری سەقز بەڕێوە چوو.
لە بەڕێوەچوونی ئەم کێبڕکێیەدا زیاتر لە 250 وەرزشوان لە هەموو پارێزگاکانی ئێران لە سەر ئاستی تەمەنی مێردمنداڵان و لاوان، بەشداریان کرد.
شایەنی باسە کە لە کۆتایی ئەم کێبڕکێیانە لە شاری سەقز، محەممەد ڕەزایی لەسەر ئاستی تەمەنی لاوانی بۆ شکست پێ هێنانی بەرانبەرەکانی لە کێبڕکێکانی ئاسیایی هەڵبژێردرا.
هەروەها، ماهان ئەمجەدیان بۆکسەرێکی دیکەی شاری سەقز لەسەر ئاستی تەمەنی مێرمنداڵان لەگەڵ سێ وەرزشوانی دیکەی کوردستان، بەناوەکانی ئارین ساعد پەنا، ئەمیر عەباس کەبوودوەند، میلاد فەلاحی، بۆ بەشداریکردن لە کێبڕکێکانی کۆتایی تیمی میللی، هەڵبژێردران.
