سازمانی خه‌باتی کوردستانی ئێران
خەبات مێدیا: چالاکێکی کرێکاری خەڵکی شاری سنە لەلایەن ئیتڵاعاتی ئەو شارەوە دەستبەسەر کرا.
ڕۆژی سێشەممە 12ی بەفرانبار، رێبوار عەبدوڵاهی چالاکی کرێکاری خەڵکی شاری سنە لە پەیوەندییەکی تەلەفۆنی کورت دا بە بنەماڵەکەی ڕاگەیاندووە کە لە گرتووخانەی ئیتڵاعاتی ئەو شارە دستبەسەر کراوە.
ئەو چالاکە پاش گیرانی، لە چاوپێکەوتن لەگەڵ بنەماڵەکەی و تەنانەت پارێزەرەکەشی بێبەش کراوە.
ڕۆژی یەکشەممە 12ی بەفرانبار، ڕێبوار عەبدوڵاهی، بە بێ حوکمی دادگا لەلایەن هێزە سەرکوتگەرەکانی رژیم بە بێ هۆکار و بەڵگەی یاسایی دەگیرێت و ڕەوانەی زیندان دەکرێ.
ناوبراو ئەندامی پێشووی کومیتەی ڕێکخستنی کرێکاری بووە و پێشتریش لە ساڵی 1393 لەلایەن هێزەکانی ڕژیم گیراوە و لە شوعبەی یەکی دادگای ڕژیم بەدەستی قازی سەعیدی، بە تۆمەتی ئەندامیەتی لە کۆمیتەی ڕێکخستن و هاوکاری لەگەڵ یەکێک لە حیزبە سیاسیە کوردیەکان، سزای یەک ساڵ زیندانی بەسەردا سەپاوە.
