سازمانی خه‌باتی کوردستانی ئێران
خەباتمێدیا: رۆژی شەممە 24ی رێبەندانی 1400ی ک خ، کۆمیتەی ئاڵمانی سازمانی خەباتی کوردستانی ئێران بەشداری گردبوونەوەیەکیان لە شاری هاومبۆرگ کرد.
ئەو گردبوونەوەیە کە بۆ بەرز راگرتنی یادی 43ساڵەی 22ی رێبەندان رۆژی سەرکەوتنی راپەڕینی گەلانی ئێران دژ بە رژیمی پەهلەوی لە بەرامبەر شارەداری هامبۆرگ و لەلایەن دەفتەری شۆرای میللی مقاومەتی ئێران لە وەڵاتی ئاڵمان بەرێوەچوو، تیایدا ژمارەیەکی بەرچاو لە کەسایەتی و چالاکانی سیاسی پەیام و وتاری تایبەت بەو بۆنە پێشکەش کرد.
شایانی باسە پەیامی کومیتەی ئاڵمانی سازمانی خەباتی کوردستانی ئێران لەلایەن خاتوو شەهلا مەولودیەوە پێشکەش کرا.
