سازمانی خهباتی کوردستانی ئێران
بە داخەوە رۆژی چوارشەممە 18ی رەشەممەی 1400ی ک خ، کەسایەتی دیار و نیشتمانپەروەر "حاجی مەحمودی ئەمین پوور" خەڵکی گوندی بڵەسەنی ناوچەی بانە کۆچی دوایی کرد.
خواڵێخۆش بوو حاجی مەحمودی ئەمین پوور مرۆڤێکی نیشتمانپەروەر و شۆرشگێڕ و کوردپەروەر بوو کە هەر لە سەرەتای راپەرینی گەلانی ئێرانەوە بە بەشداری لە راپەرین و کۆڕ و کۆبوونەوەکان دژ بە رژیمی پاشایەتی و پشتیوانی لە سەرکردەی دیاری راپەرین مامۆستا سەید جەلال حوسەینی دەکرد.
حاجی مەحمودی بڵەسەن لە دوای سەرکەوتنی راپەرین وەکوو سەدان کەسی شۆرشگێڕی دیکەی ناوچەی بانە چەکی هێزی بەرگری لە شان کرد و لە زۆرێک لە هەڵسوڕان و چالاکیەکانی ناوچەی بانە، سەردەشت و سنە بەشێوەیەکی شێلگیر و لێبڕاو ئامادە دەبوو.
خوالێخۆش بوو یەکێک لە دڵسۆزانی سازمانی خەبات و ڕیزەکانی هێزی بەرگری و وەکوو ئەندامێکی چالاک درێژەی بە کار و چالاکی تەشکیلاتی خۆی داوەو درێغی نەکردوە لە خزمەت بە رێبازی سازمانی خەبات و بزوتنەوەی رزگاریخوازی کوردستان و بەرەوڕووبوونەوەی هێزە داگیرکەرەکانی رژیمی ئاخوندی.
حاجی مەحمودی ئەمین پوور تا دوا هەناسە یاری وەفاداری رێبازی سازمانی خەبات و مامۆستا سەید جەلالی حوسەینی مایەوە و ئاواتی سەرکەوتن و گەشەی زیاتری سازمان بوو.
بە بۆنەی کۆچی دوایی حاجی مەحمود، کاک بابەشێخی حوسەینی سکرتێری گشتی سازمانی خەبات پرسە و ماتەمینی خۆی بە خانەوادەی حاجی مەحمود و خزم و کەس کار و خەڵکی گوندی بڵەسەن و ناوچەی بڵۆ و شاری بانە رادەگەێنێ و لەم خەمەیاندا خۆی بە شەریک و هاوبەش دەزانێ و لە خوای گەورە داواکارە حاجی مەحمودی ئەمین پوور بخاتە بەر رحمەت و بەزەیی خۆی و بە بەهەشتی بەرینی شاد بکات.
سازمانی خهباتی کوردستانی ئێران / ده‌‌‌بیرخانه
18ی رەشەممەی 1400ی ک خ
