سازمانی خه‌باتی کوردستانی ئێران
خەباتمیدیا: شەوی چوارشەممە ڕێکەوتی 6/4/2022 بەکرێگیراوانی ڕژیمی ئاخوندی و سوپای تیرۆریستی پاسداران، لە نزیک حەمدانیەو خازر، سێ مووشەکی جۆری کاتیۆشایان هاویشتە ناوچەیک لە نێوان کەورگۆسک و شارۆچکەی خەباتی شاری هەولێر.
دژە تیرۆری هەرێمی کوردستان لە پەیجی فەرمی خۆی ڕایگەیاندووە کە سێ مووشەک لە نزیک پاڵاوگەیکی نەوتیی لە کەورگۆسک و ناحیەی ڕزگاری سەر بە پارێزگای هەولێر تەقێندراون کە هیچ زیانێکی گیانی و ماددی لێ نەکەوتووەتەوە.
جێگەی باسە موشەکێکی کاتیۆشا لە سنووری ناحیەی رزگاری بەر زەوی کەوتووە کە مەوداکەی لەگەڵ بنکەکانی سازمانی خەبات لەو شاروچکەیە نزیکەو هەر بەو بۆنەوە پێوەندییەکی زۆر لەناوخۆ و دەروە بەمەبەستی ئاگادار بوون لەرەوشی پێشمەرگەو خانەوادەکانی جێگیر لە بارەگای ناوەندی کراوە کە بەخۆشیەوە رایدەگەێنین ئەو هێرشە تیرۆریستیەی دەست و پێوەندییەکانی رژێمی ئاخوندی هیچ زیانێکی نەگەیاندوە.
ئاشکرایە ئەو هێرشە تیرۆریستیە جارێکی تر رسوایی و ترسنۆکی و ئاژاوەگێڕی دەسەلاتدارانی ڕژیمی ئێران ئاشکرا دەکا.
