سازمانی خه‌باتی کوردستانی ئێران
خەبات مێدیا: دادگای ئینقلابی تاران، 32ساڵ زیندانی بەسەر دوو خوێندکاری زانکۆی شەریفی تاران سەپاند.
ئەم دوو خوێندکارە بە ناسناوی عەلی یونسی" و ئەمیر حوسەین مورادی" بە حوکمێکی زاڵمانە لەلایەن دادگای ئینقلابی شاری تاران هەرکامەیان بە 16ساڵ زیندان حوکم دراون.
تاوانی پاڵنراو لە دژی ئەم دوو خوێندکارە لە دەمودەزگای نادادپەروەرانەی ڕژیمی ئێران،بریتین لە پڕۆپاگاندە لە دژی نیزام" پێکهێنانی کۆڕ و کۆبوونەوە لە دژی ئەمنیەتی وڵات" و هەروەها فساد فی الارض.
ئەم دوو خوێندکارەی زانکۆی شەریف ڕۆژی هەینی 22ی خەزەڵوەری ساڵی 1399 لە لایەن هێزەکانی ڕژیم بە بێ بەڵگەی یاسایی و حوکمی دادگا و بە لێدان و بە شێوەی جیا لەیەک دەستبەسەر کراون.
علی یونسی، خوێندکاری بەشی ئەندازیاری کامپیوتری و براوەی مدالیای زێڕی ئۆلەمپیادی جیهانی ئەستێرەکان و ئەمیرحوسەین مورادی خوێندکاری فیزیکی و براوەی مدالیای زیوی ئۆلەمپیادی ئەستێرەکانی وڵاتی ئێرانە.
