سازمانی خه‌باتی کوردستانی ئێران
خەبات مێدیا: لە سنووری دۆڵەبی مەریوان چوار هاووڵاتی بەتەقەی ڕاستەوخۆی هێزە سەرکوتکەرەکان بریندار بوون.
ڕۆژی پێنج شەممە 22ی بانەمەڕی 1401، چوار هاووڵاتی بەناوەکانی ئەیوب پیرۆزی، عەبوو بەکر فەتاحی، دانا پیرۆزی و ئەیوب پیرۆزی کوڕی عەبدوڵا و خەڵکی گوندی سەردۆشی مەریوان بە تەقەی ڕاستەوخۆی هێزەکانی سەر سنووری ڕژیم بریندار بوون.
شایەنی باسە کە ئەم چوار هاووڵاتیە لە کاتێکدا بریندار کراون کە لەو سنوورە خەریکی کاری کۆڵبەری بوون و لەلایەن هێزە سەرکوتکەرەکانی ڕژیمی ئێرانەوە تەقەیان لێدەکرێت و بریندار دەکرێن، کە لە ئێستادا گوازراونەتەوە بۆ نەخۆشخانەی ئەو شارە.
