سازمانی خه‌باتی کوردستانی ئێران
خەبات مێدیا: کۆڵبەرێکی کورد لە سنووری نەوسوود لە لایەن هێزەکانی ڕژیم بە سەختی بریندار کرا.
ڕۆژی دووشەممە 26ی بانەمەڕ لە سنووری نەوسوود، کۆڵبەرێکی کوردی خەڵکی سەلاسی باوەجانی بەناوی ئارش عەلی ئەولاد، لەلایەن هێزەکانی سەر سنوور هێرش دەکرێتە سەری و بە سەختی ئازار دەدرێت.
بەپێی سەرچاوەیەکی ئاگادار لەو ڕووداوە، ئەم کۆڵبەرە لەکاتێکدا کە بۆ بژێوی ژیانی خۆی و بنەماڵەکەی خەریکی کاری کۆڵبەری بووە، لەلایەن هێزە سەرکوتکەرەکانی ڕژیم هێرش دەکرێتە سەری و بە خراپترین شێوە ئازاری دەدەن و لەبەشی سەری بەسەختی بریندار دەبێت.
شایەنی باسە ئەم کۆڵبەرە لە ئێستادا بۆ چارەسەر کردنی برینەکەی گوازراوەتەوە بۆ نەخۆشخانەی شاری پاوە.
