سازمانی خه‌باتی کوردستانی ئێران
خەبات مێدیا: ناڕەزایەتیەکانی خەڵکی ئێران دژ بە دەسەڵات دارانی ڕژیمی ئاخوندی لە شارەکانی ئێران بەردەوامە.
هەزاران کەس لە خەڵکی ناڕازی چەند شارێکی ئێران بۆ هاودەنگی لەگەڵ خەڵکی ئابادان جارێکی دیکە بە بەڕێوەبردنی ناڕەزایەتیەکان لە شەقامەکان دروشمی دژ بە دەسەڵات دارانیان وتەوە.
بە پێی ڕاپۆرتێکی گەیشتوو بە ئێران ئینتر ناشناڵ، هێزە سەرکوتکەرەکانی ڕژیم لە ئەهواز هێرشیان کردوەتە سەر خۆپیشاندەران، بە توند ترین شێوە شکەنجەیان کردوون.
هەروەها بەپێی ئەو ویدیۆ و وێنانەی لە ناڕەزایەتیەکانی خەڵک بڵاو کراوەتەوە، بوشێهر، ماهشەهر، شاهین شار، ئەهواز، ئۆمیدیە و ئابادان لەو شارانەن کە شەوی هەینی بوونە گۆڕەپانی ناڕەزایەتیە کانی دژ بە دەسەڵات دارانی ڕژیم.
جێی ئاماژەیە کە خەڵک دروشم گەلێکی وەکوو دژمنی ئێمە ئێوەن درۆیە کە دەڵێن ئامریکایە و هەروەها ئەم هەموو ساڵە زوڵم و زۆر مەرگ و نەمان بۆ خامنەییان دەوتەوە.
شایەنی باسە کە بەپێی ڕاپۆرتەکان، جەوی ئەمنی چەند شارێکی دیکەش لەوانە ئیزە لە پارێزگای خوزستانیش ئەمنیەتی کراوە و ڕێگە بەخەڵک نادرێت پرسە بۆ مردووەکانیان دابنێن.
ناڕەزایەتیە سەرتاسەریەکانی ئەم دواییە کە بۆ ناڕەزایی بە داڕمانی باڵەخانەی مێترۆپۆلی ئابادان دەستی پێکرد، گۆڕدرا بۆ ناڕەزایەتی دژ بە دەسەڵات دارانی ڕژیمی ئاحوندی، چەند ڕۆژ دوای داڕمانی باڵەخانەی مێرۆپۆل، بەپێی ڕاپۆرتە خۆجێیەکان ئێستاش ژمارەیەک هاووڵاتی خەڵکی ئابادان لەژێر دار و پەردوودا ماون.
