سازمانی خه‌باتی کوردستانی ئێران
خەبات مێدیا: مایک پێنس جێگری یەکەمی دۆناڵد ترامپ سەرۆک کۆماری پێشووی ئامریکا ڕۆژی پێنج شەممە ڕێکەوتی ۲ی پووشپەڕی ۱۴۰۱ کۆچی خۆری سەردانی شاری ئەشرەفی ۳ی لە وڵاتی ئاڵبانی و لە گەڵ مەریەم ڕەجەوی چاوپێکەوتنیان کرد. پەنس لەم چاوپێکەوتنەدا ووتی: تەمەنی ڕژیم ڕوو بە کۆتاییەو دانانی ئیبراهیمی ڕەییسی وەکوو سەرۆک کۆماری دەوڵەتی ئێران نیشاندەری ئەو ڕاستیەیە. هەروەها لە درێژەدا ووتی: دووبارەکردنی ڕێکەوتن لەگەڵ ئێران وەکوو سەفەری زێڕینی دەسکەوتنی چەکی ناوکەییەو داوای لە دەوڵەتی بایدن کرد ڕێکەوتنی ناوکەیی لەگەڵ حکومەتی ئاخوندی ڕابگرێت کە ئەم ڕێکەوتنە نەتەنیا بە قازانجی خەڵکی وەزاڵەهاتووی ئێران نییە، بەڵکوو ڕێبەرایەتی ئێران ڕووهەڵماڵاوتر دەکات.
ناوبراو کوشتنی تیرۆریست قاسم سولەیمانی سەرکردەی پێشووی سوپای قودسی وەک مەترسیدارترین تیرۆریست لە جیهان بە دەسکەوتێکی پر بایەخ ناوبرد و ووتی لە ئیستەدا ڕژیم زۆر لاوازەو گەندەڵی گەیشتووتە لووتکەی خۆی و هەموو دەزانین میللەتی ئێران ئامادەی گۆڕانکاریی بنەڕەتیە. رەئیسی قاتڵەو ڕۆڵی سەرەکی لە ئیعدامەکانی ساڵی ۱۳۶· بووه کە دەبێ بەبۆنەی ئەو جینایەتانەوە مەحکەمەو بە سزای خۆی بگات.
مایک پێنس شۆرای میللی موقاومەتی ئێرانی وەک ئاڵتێرناتیوی راستەقینەی خەڵکی ناو برد و ووتی ئێمە لە ئامریکا خەڵکی ئێران دەناسین و خۆمان بە پاڵپشتی ئێوە ئەزانین. تەنیا ڕێگەی ڕزگاری خەڵکی ئێران دابین کردنی حکومەتێکی دیمۆکراتیکە کە بەدوور بێ لە بیروکە دواکەوتووەکانی حکومەتی ئاخوندی. مایک پێنس ووتی حکومەتی ئاخوندی دەیەوێت بە درۆ و خەڵەتاندنی خەڵک وا دەری بخات کە ئەو خەڵکە خوازیاری هاتنەوەی حکومەتی سەڵتەنەتین, بەڵام ئەمە تەنیا بۆ فریودانی میللەتێکە کە لە ئیستەدا زۆر هۆشیارانەو بە زانیارییەوە دەزانن کە جگە لە هەڵبژاردنی حکومەتێکی دێمۆکراتیک و سێکۆلار هیچ ڕێگایەکی دیکە بۆ نەجاتیان نییە.
شایانی باسە کە لە یەکێک له کاردانەوەکانی ئەم چاوپێکەوتنە بەرنوێژی هەینی خامنەیی لە شاری ئەردەبیل ووتی: بۆ ئێمە زۆر سەختە کە مایک پێنس سەردانی موجاهیدینی کردوەو دژ بە حکومەت قسەی کردووە. ئاخوند حەسەن عاملی پاڵپشتیە جیهانیەکان لە سازمانی موجاهدین بە پێچەوانەی ڕاستیەکانی ناوخۆی ئێران ناو برد و ووتی سازمانی موجاهدین زیاتر لە ۱· هەزار کەس ، لەوان سەرۆکی قوەی قەزاییە، چەند کەس لە نوێنەرانی مەجلیس، سەرۆک کۆمار، سەروک وەزیر و هتد کوشتووە.
