سازمانی خه‌باتی کوردستانی ئێران
خەباتمێدیا: بەپێی ئەو ڕاپۆرتانەی کە لەلایەن هەواڵدەرییەکان بڵاو بۆتەوە، خانە نشینان،لەشارەکانی ئێران دوبارە خۆپیشاندانیان کردووە.
ئەم خۆپیشاندانانە لە شارەکانی کرمان، هەمەدان، خوڕەمئاوا، ئابادان، ئێسفەهان، ساری، زەنجان،
ئەهواز، شوش، شوشتەر، دزفول، کەرەج وئەراک بەڕێوەچوو.
سەرەکییترین داواکاری خانەنشینان، بریتیە لە کەمبوونی حەقدەست و نەبوونی بەرانبەری ویەکسانی و هەر بەم مەبەستەش خۆپیشاندانیان بەڕێوەبرد.
هاوکات هێزە ئەمنییەکانی ڕژیم پیشیان بە خۆپیشاندانەکە گرتووە و چەندین کەسیان دەستبەسەر کردووە.
بەپێی ئامارەکان، خانەنشینان لە ساڵی ڕابردوو تا ئێستە زۆر جار خۆپیشاندانیان بۆ دەستەبەرکردنی مافەڕەواکانی خۆیان بەڕێوە بردووە و بە دروشمی "مەرگ ونەمان بۆ ڕەئێسی"، "ڕئێسی درۆزن"، "کوانێ قەول وقەرارەکانت"، بەشداری خۆپیشاندان ،بوون.
