سازمانی خه‌باتی کوردستانی ئێران
خەبات مێدیا: بەرپرسێکی ئەمنی ئیسرائیل دەڵێت، سپای ترۆریستی پاسداران بۆ سەرکوتی خەڵک دەستی داوەتە بەکار هێنانی باندە مافیا و تاوانبارەکان.
بەرپرسێکی باڵای ئەمنی ئیسرائیل بە ئێران ئینتێرناشناڵی وتووە کە بەکار هێنانی باندە تاوانبارەکان بەشێکە لەو هەنگاوانەی کە سپای ترۆریستی پاسداران بۆ ئەنجامدانی کردەوەی ترۆریستی لە وڵاتە جیا جیاکان لەوانەش وڵاتی تورکیا بەرێوەی ئەبات .
ئەم بەرپرسەی ئیسرائیل وتی: بەکار هێنانی ئەم باندە تاوانبار و مافیانە لە ساڵەکانی ڕابردوو بەشێک بووە هەنگاوە قێزەونەکانی سپای ترۆریسی پاسداران بۆ چالاکی ترۆریستی لە وڵاتە جیاجیاکان لەوانە لە وڵاتی تورکیا.
جێی باسە کە ئەم بەرپرسە هەروەها تەئکیدی کردەوە کە هێزەکانی سپای ترۆریستی قودس و ناوەندی ئیتلاعاتی پاسداران لە تورکیا، ئامریکای باشوور و قوبرس لە تاوانباران، باندە مافیاکان، قاچاخچیەکانی مادەی هۆشبەر و تەنانەت تاوانبارانی ئاسایی، بۆ ئەنجامدانی ئەو هێرشانەی خۆیان مەبەستیانە بەکاریان دێنن.
هەر لەسەر ئەم بابەتە هەواڵدەرییەکانی تورکیا ئیدعای ئەوەیان کردووە کە ئەم کەسە گیراوانە لەمانگی پێشوو کە ویسبوویان هاووڵاتیانی ئیسرائیلی بکەنە ئامانج، پەیوەندی ڕاستەوخۆیان لەگەڵ ئیتلاعاتی رژیمی ئێران نەبووە و لەلایەن مافیایەکی ئێرانی بەڕێوە دەچوو.
هەروەها بەپێی ئەم ڕاپۆرتە، سەرۆکی مافیاکان لە ئێران دەژی و لەگەڵ ئەم کەسانە لەڕێگەی واتساپ لە پەیوەندیدا بووە.
