سازمانی خه‌باتی کوردستانی ئێران
خەبات مێدیا: بە پێی ڕاپۆرتی هەواڵدەری کوردپا, هێزەکانی پۆلیسی رژیم شەوی نوهەمی گەلاوێژ لە جادەی خۆڕەم ئاوا تەقەیان لە ئۆتومبیلی هاووڵاتیێک بە ناوی ڕەحمان ڕاشدی مەنش کردووە کە لە ئەنجام دا دوو میرمنداڵ کە ئەندامی خانەوادەکەی بوون کوژراون.
بەپێی ڕاگەیاندنی سەرچاوەیێکی ئاگادار, "مەهدی" و "مەتین" ڕاشدی مەنش تەمەن ۹ و ۱۳ ساڵ, خەڵکی قیقلەی سەر بە مەریوانی پارێزگای سنە, لە ئەنجامی ئەم کارەدا گیانیان داوە.
بەپێی وتەی ئەم سەرچاوە ئاگادارە, هێزە جینایەتکارەکانی ڕژیم بەبێ ئاگادارکردنەوە, لە بازگەی فیروزئاوا تەقەیان لەم ئۆتومبیلە کردووە.
ناوبراو هەروەها وتی دۆخی تەندروستی "ڕەحمان" و "هۆما", دایک و بابی ئەم منداڵانەش مەترسیدارەو تا ئیستەش هۆکاری تەقە کردن لەم ئۆتومبیل و خانەوادەیە نادیارە.
