سازمانی خه‌باتی کوردستانی ئێران
خەباتمێدیا: ڕۆژی سێشەممە ڕێکەوتی ۲۲ی خەرمانی ۱۴۰۱ی کۆچی خۆری, هەیئەتێکی سازمانی خەبات ی کوردستانی ئێران بە سەرپەرشتی بەڕێز شۆڕش حاجی ئەندامی کومیتەی ناوەندی و بەرپرسی پەیوەندی هەولێری سازمانی خەبات بە هاوڕێیەتی بەڕێزان سامان ئەحمەدی, ڕێزان شەهیدی پەنا و ئەفسانە ڕەحیمی, کادرانی سازمانی خەباتی کوردستانی ئێران سەردانی حیزبی دیمۆکراتی کوردستانی ئێرانیان کرد و لە لایەن بەڕێز کاک حەممەنەزیف قادری بەرپرسی ناوەندیی پەیوەندییە گشتییەکانی حیزبی دیمۆکراتی کوردستانی ئێران, کاک حەممەساڵح قادری بەرپرسی پەیوەندییەکانی حدکا لە هەولێر, کاک ئامانج زیبایی جێگری بەرپرسی پەیوەندییەکان لە هەولێر, کاک سۆران نووری بەرپرسی پەیوەندییە کوردستانییەکانی حدکا لە باشوور وە کاک محەممەد شەرەوان نوێنەری حدکا لە کۆیە, پێشوازی گەرمیان لێ کرا. لەم دیدارەدا کە بە مەبەستی پیرۆزبایی بە بۆنەی یەکگرتنەوەی دوو لایەنی حیزبی دیمۆکرات بوو, وێڕای پێداگری لە سەر هاوکاری و تەبایی هێز و لایەنە سیاسییەکانی کوردستانی ئێران بۆ سەرکەوتنی یەکجاری و گەیشتن بە ماف و ئازادییەکانی نەتەوەی کورد لە کوردستان و ئێران, پەیامی پیرۆزبایی جەنابی کاک بابەشێخ حوسەینی و ئەندامانی سەرکردایەتی پێشکەش بە حیزبی دێموکرات کرا.
