هاونیشتمانیانی ژیان تاڵی کوردستانی ئێران!
ڕێکخراوە مەدەنیەکانی کوردستانی ئێران!
لە دوای شەهید کرانی ژینا (مەهسا) ئەمینی خەڵکی شاری سەقز کە لەلایەن هێزەکانی ئینتزامی دەسەڵاتی ئێران بە بێ هیچ جۆرە تاوانێک لە تاران شەهید کرا، ڕق و توڕەیی و ناڕەزایەتی دانیشتوانی کوردستان بە تایبەت ئافرەتان و ڕێکخراوە مەدەنیەکانی لەچوار پارێزگای کورد نشین و سەرانسەری ئێرانی لێ کەوتەوە.
تەشکیلاتی ناوخۆی سازمانی خەبات و کومیتەکانی تەشکیلاتی لە تێکڕای شارەکانی کوردستانی ئێران، لەگەڵ مەحکوم کردنی ئەو تاوانەی مەئمورانی سەرکوتکەری ڕژیمی ئاخوندی، سەرەخۆشی لە بنەماڵەی شەهید ژینا (مەهسا) ئەمینی و خەڵکی کوردستان بە گشتی و شاری سەقز بە تایبەت دەکا. هەر بەو بۆنەوە داواکاری لە دانیشتوانی کوردستان دەکەین بە هاودەنگی لە گەڵ داوای ڕێکخراوە مەدەنیەکان، بەشداری مانگرتنی سەرانسەری رۆژی دوو شەممە ٢٨ی خەرمانان بکەن و بە بەشداریتان لە مانگرتنی سەرانسەری، جارێکی دیکە بە دەسەڵاتی جینایەتکارو دیکتاتۆری ئێران ڕابگەێننەوە کە جەماوەری کوردستان لەو دەسەڵاتە نامەشروعە بێزارەو ڕووخان و لەناوچوونی ئەو حکومەتە دیکتاتۆرە ئامانجی سەرکیەتی.
هەروەها داوا لە خەڵکی سەرانسەری ئێران دەکەین پشتگیری خەڵکی کوردستان و مانگرتن و ناڕەزایەتیەکانی جەماوەری شارەکانی کوردستانی ئێران بکەن.
سەرکەوێ مانگرتنی جەماوەری وەزاڵەهاتوی کوردستان
بڕوخێ ڕژیمی دیکتاتۆری ئاخوندی ئێران
سازمانی خەبات ی کوردستانی ئێران
27 ی خەرمانانی 1401 کۆچی خۆری
