سازمانی خه‌باتی کوردستانی ئێران
ئێوارەی رۆژی یەکشەممە ١٠ ی رەزبەری ١٤٠ ١ی هەتاوە، بەرپرس و ئەندامانی کومیتەی نۆروێژی سازمانی خەباتی کوردستانی ئێران بەشداریان لە کۆبوونەوەیەکی بەرینی جەماوەری لەبەردەم پارلەمانی نۆروێژ کرد.
ئەو کۆبوونەوە جەماوەریە کە لەلایەن رێکخراوی هومەن رایسی نۆروێژیەوە رێکخرابوو، ژمارەیەک کەسایەتی و پارلەمانتاری نۆرێژی بەتایبەت بەرێز مەسعود قەرەخانی سەرۆکی پارلەمانی نۆروێژ بە زمانەکانی نۆروێژی فارسی پەیامی پێشکەش کرد.
ئەو بەرێزانە لە پەیامەکانیاندا وێڕای مەحکوم کردنی سیاسەتی سەرکوتی رژیمی ئاخوندی لە راست ژنان و بەتایبەت شەهیدکرانی ژینا ئەمینی و سەرکوتی ناڕەزایەتی و راپەرینەکان، خوازیاری فشاری زیاتر بۆ سەر رژیمی ئاخوندی لەلایەن یەکێتی ئوروپا و کۆمەڵگەی نێونەتەوەیی و پشتیوانی لە راپەرینی ژنان و لاوانی زوڵملێکراوی ئێران بوون.
